Reykjavík, Iceland

Tamnei

reykjavik

Ma te tino ae kaona bukin te Maunga ae Esja, Reykjavík, ma kateitei iaona aika karanaki ni kautuun te aba ae Iceland, e katauraoa te butimwaai nakoia kaain te aba ae raka iaon 1,000 te maire (1,609 km) raroana mai i Eurobe. E moan kaainaki irouia Vikings IM 874, Reykjavík e kakawaki iroun te aba ae Iceland ni kateina, kaubwaina, ao n ana waaki te tautaeka, ao ngaia naba teuana te kaawa ae te kabanea n itiaki, ni kiriin, ao ni mano n te aonaaba.

Moan kaain Icelander aika uoman a bwabetitoaki i Denmark n 1851. A waekoa n oki nako Iceland, ao n 1853 e kateaki te moan ni mwaanga. N te bong aei ao e kaniia 300 membwa i Iceland ao teniua mwaanga, teuana i Reykjavík, i Akureyri ao Sellfoss. Te kabanea ni kaan n tembora e mena i London, England, 1,177 te maire (1,894 km) mai Reykjavík.

E ngae ngke mwaitiia membwa e uarereke, e teimatoa te Ekaretia n rikirake. N aki tabe ma kaangaanga n aron te kakaokoroaki, rairan bokin te Ekaretia, kanoan te bong ae aki raoiroi, totoko n taian katei, a tia taan kairiiri n te Ekaretia ni berita bwa n te bong teuana ao e na riki Iceland bwa te katooto nakoia aaba tabeua. Beretitenti Gordon B. Hinckley (1910–2008) e kawara Iceland ao e kauringiia membwa bwa ngaiia bon “aomata aika iai irouia te ‘korakora ao te mwaaka ao te konabwai’ ni karaoi bwaai aika tamaroa” (“Wonderful to Have Sweet, Good Land,” Church News, Tebetembwa 21, 2002, 10).

E kateaki te Icelandic Mition n 1894, ma kawarakiia aomata e katokaki moa n 1914. E riki Iceland bwa mwakoron te Denmark Copenhagen Mition n 1975.
N 1977, Unimwaane Joseph B. Wirthlin (1917–2008), kaain ngkoa te Moan ni Kooram n te Itingaun, e katabua Iceland ibukin tataekinan te euangkerio.
N 1981 e boretiaki Ana Boki Moomon i Icelandic—te taetae ae akea ae taekinna n te aonaaba.