Karekean te Rau bon Ibukim ao Tabeman n Taai ni Kaangaanga
Aikai waniua kawai aika a na buokiko ao tabeman n namakina te rau ngkana e moanna ni matoatoa aron te maiu.
Baekuraaun ao te kamataata n te tamnei mairoun Getty Images
N tabetai ao e tara n rangi ni kamangaongao ao n aki mataata raoi. Ko na raraoma ibukin tabeaiangaia utu, kaangaanga n te aoraki, kaangaanga n te reirei, ke taai ni kaangaanga aika mwaiti riki n te aonaaba n te bong aei. Ti na kanga ni kakaea te rau irouia aomata n te aonaaba ae kaangaanga aei? Tao e reke akean te rau iroum man bwaai aika riki aika a riaon am kona ke man bwaai aika ko kona ni kairoroi ao ni bitii, aikai tabeua iango aika a na buokiko ni kakaea te rau rinanon Iesu Kristo.
4 Kawai ni Kakaea te Rau ibon Ibukim
-
Kabanea am iango iaon bwaai aika akea tokiia
E kaangaanga ae ko na namakina te rau ngkana ko ti kabanea am iango iaon raraoma aika a kai toki. Ma ngkana ko kabanea am iango iaon te taratara ae rababa riki, ana babaire ni kakukurei te Atua, ko kona ni kunea te rau n ataakin te bwai ae kamaraki ngkai e na aki teimaan. Te katoto, te tembora e buokira ni kabanea ara iango iaon bwaai aika akea tokiia. E taekinna Beretitenti Gordon B. Hinckley (1910–2008) bwa inanon te tembora “ko na ata te rau are ko na aki kona ni kunea n te tabo riki teuana.”1
-
Tai raraoma ni bwaai ake ko aki kona n tuuki
Ngkana te bwai ae ko aki kona n tukia e anaa am rau, e kairoroko n namakina te bwarannano ke te un. Ma e aki ibuobuoki ngkana ko kabanea am iango iaon bwaai aika ko aki kona ni bitii. Ma, kaniko riki nakon te Tia Kamaiu ni karekea te rau inanom e ngae ngke e a tia te maiu n aki raoiroi nakoim. E a tia ni berita bwa e na kanakoa nakoim te Tia Karaunano, ao te Tamnei ae Raoiroi (taraa Ioane 14:26–27).
-
Kabwarai aia bure tabeman
N tainako te kabanea ni matotoa ni bwai ni kanakoa bon te namakin ae buakaka ngkana iai ae karaoa te bure nakoim. Ma e a tia Unimwaane Dieter F. Uchtdorf man te Kooram n Abotoro ake Tengaun ma Uoman n reirei bwa: “Ti na karekea te kimwareirei ni kamaunaan ara bure n oin maiura ngkana ti tauraoi ni karababa te kimwareirei anne nakoia tabeman. … Ao n tokina, Tamnein te Uea e na kaon tamneira ma te kimwareirei ae raonaki ma te rau n nano (taraa Motiaea 4:2–3).”2 E kona onimakinan te Tia Kamaiu ni buokiko ni kainaomatako man rawawatam ao ni kaonaki ma te rau.
-
Rairananom ao onimaki iroun Kristo
N aki tabe bwa tera ae nakoraoi ni maium, uouotakin rawawatan te bure e na kanakoa te rau mai iroum n tainako. N tabetai ti kainanoa ara bitiobi bwa e na buokira n rairi nanora. Ma ti bane ni kainnanoia bwa ti na rairi nanora n tainako ao, rinanon Ana mwakuri ni Kamaiu Iesu Kristo, ti na itiaki man bwaai ni kabane ake a tauira man rikira n ai Arona.
4 Kawai ni Buokia Tabeman ni Karekea te Rau
-
Tibwaua ana euangkerio Iesu Kristo
N aron ae ti kunea te rau ibukira man kabanean ara iango iroun te Tia Kamaiu, ti kona ni buokiia tabeman n ataia bwa “Ngaia bon mwiin te rau” (Motiaea 15:18). Te katoto, kataia tibwaua te kibu man booki aika tabu ke te taetae man te maungatabu ni kabuta are e buokiko n reiakina taekan Iesu Kristo.
-
Riki bwa te tia karekea te rau
Buokiia raoraom ke tarim ma mwanem ni katoki kakauntaeka. N aroia Aentaai-Nibwaai-Riaai inanon ana boki Aramwa, ti kona n taun ara bwai ni buaka—bwai ni buaka n aron te winnanti, kakaean kaboan mwiin kaim, ke n aonikai—ao ni kabooi nako irarikin are ibukin bwaai ni mwakuri n te rau: taetae n akoi, karinei ana tua te Atua, ao kabwarai aia bure raom (taraa Aramwa 24:19).
-
Riiki bwa te aomata ae kakauongo raoi
N tabetai aomata aika iai aia kaangaanga a kainnanoia n taetae ibukin aia iango ao aia namakin irarikin are a kawakin inanoia. Ti na aki katoki aia kaangaanga ibukiia, ma ti kona n ti kakauongo nakon tabeaiangaia ao karekei ibuobuoki, ni kaota ana tangira ao ana atataiaomata Kristo.
-
Karaoa te mwakuri n ibuobuoki nakoia kaain am uoote ao am kaomiuniti
Ko kona n anganano nakon ae akea ana auti, beku bwa te tia reirei n aia roro, ke ni uota te bwai n akoi nakon te utu ae boou ae kaain rarikim. Buokiia aomata ni kakaea te rau ni bwaai aika uarereke. Karekean te tabo ae teimatoa ibukin te amwarake ke te matu, te tia reirei ae onimakinaki, ke te koaua ae uarereke are n ana ibuobuoki temanna iai mwiina ae korakora.
E taekin taeka ni karaunano aikai Iesu nakoia naake a korakai ni kakaean te rau: I katuka te rau i roumi, I anganingkami au rau: I aki angani ngkami n aiaron te aba, ngkana e anga. “A na tai rawawata nanomi, ao a na tai maku” (Ioane 14:27). Ngkana ti uotira ao tabeman ni kaniira riki nakon Iesu Kristo, ti kona ni kunea te rau riki ngkana e a kaangaanga aron te maiu.