E Fesoasoani Mai le Lagi ia te Au

O se avanoa e seasea maua le faatalanoa o sui uma o le Korama a Aposetolo e Toasefululua ina ia tusia e uiga i le tofi aposetolo paia (tagai “O i Matou o Molimau,” itulau 12).

Ina ua uma le feiloaiga ma Peresitene M. Russell Ballard, le Sui Peresitene o le Korama a le Toasefululua, sa ou toe tepa atu i tua i lona ofisa. Sa nofo o ia i lana kesi, ma tusia se lauga o le konafesi aoao. O ia o le Pulega Aoao na sili ona umi lona auaunaga i le Ekalesia—na lagolagoina i le Korama Muamua a Fitugafulu i le 1976. Sa ia foliga lelava lava ma na tumu foi i le malosi i le taimi lava e tasi. “O a mai oe?” na ia faatoa fesili mai ai ia te au, ae mulimuli mai ai ma se fautuaga agaalofa: “Aua e te soona galue.” O se fautuaga mai se tasi na taliaina se valaauga lea e galue i le olaga atoa i le auaunaga a le Alii, o lea talanoaga puupuu na taua tele ia te au.

Ua valaaulia le Toasefululua e “pulea mataupu uma o [le Ekalesia] i atunuu uma” (Mataupu Faavae ma Feagaiga 107:33). Ae afai e te faatasi ma i latou, e suia la latou taulai mai se Ekalesia i le lalolagi atoa i le tagata o loo i o latou luma. Latou te o mai i o latou valaauga mai tulaga na umia i tofiga maualuluga i le vaai a le lalolagi, ae ina ua ou tuua lona ofisa, o upu e faamatala ai i latou na tutusa lava i taimi uma—lotomaualalo ma agaalofa.

“O nisi taimi ou te fesili ai ia te au lava,‘E faapefea ona ou i ai iinei faatasi ma nei alii maoae?’” Na tau mai e Peresitene Ballard ia te au. Ona ia molimau mai lea, “E fesoasoani mai le lagi ia te au.” Ou te faamoemoe o le a e olioli i lenei vaaiga puupuu i le valaauga o se Aposetolo.

Sarah Jane Weaver

Faatonu Tala Fou o le Ekalesia