O Lana Ekalesia

Saunia e Elder Taniela B. Wakolo

O le Fitugafulu

“E ao ina outou ave i o outou luga le suafa o Keriso, o lou igoa lea” (3 Nifae 27:5).

Sa ou fanau i Fiti. O ou matua e le o ni tagata o le Ekalesia, ae sa la o i se isi lotu.

Ina ua ou matua, na ou faaipoipo i lau ava, o Anita. O ia o se tagata O Le Ekalesia a Iesu Keriso o le Au Paia o Aso e Gata Ai. Sa ia faaauau ona valaaulia faifeautalai e o mai e feiloai ia te au.

Sa ou tau atu ia i laua i se tasi aso e mafai ona la o mai i le taumafataga i isi po e tolu na sosoo ai. Sa ou fai atu ia la faaaogaina na o le Tusi Paia e tali ai a’u fesili. Sa sao atoatoa a la tali. I le po lona tolu, na la fai mai ai ia te au se fesili.

“Afai e i ai sou faleoloa, o le a se igoa e te faaigoaina ai?”

“O le a ou faaigoaina o le Faleoloa o le Aiga o Wakolo aua o lou faleoloa,” na ou tali atu ai.

“O ai e tatau ona faaigoa ai se ekalesia?”

O se fesili lelei tele. Ma na ou iloaina le tali ma lou loto ma lou agaga. O le Ekalesia moni o le a faaigoa ia Iesu Keriso aua o Lana Ekalesia. Ma o Le Ekalesia a Iesu Keriso o le Au Paia o Aso e Gata Ai na faaigoaina ia te Ia!

Sa na o le tasi lau fesili na totoe: “O afea e mafai ona ou papatiso ai?” O le tasi le vaiaso mulimuli ane, na ou papatiso ai.

Ina ua ou papatiso, na ou tauaveina i ou luga le suafa o Iesu Keriso. O lona uiga o au o se tagata o Lana Ekalesia ma na folafola atu e mulimuli ia te Ia. Ou te taumafai i le mea sili i aso uma e ola e pei ona Ia faia. Ou te iloa o Le Ekalesia moni lenei a Iesu Keriso.