O au o se Kerisiano!
Ina ua ou papatiso ma faamauina, na ou tauaveina le suafa o Keriso.
O lona uiga ou te filifili e mulimuli ia te Ia ma taumafai e fai le mea sao.
O au o se Kerisiano! Ou te talitonu o Keriso o le Alo o le Atua na Fanaua—
O le Perenise o le Filemu, le Leoleo Mamoe Lelei, le Areto o le Ola, le Paia e Toatasi.
O au o se Kerisiano! Ou te faitau tusitusiga paia i aso uma, ma aoao i Lona soifua.
O Ana vavega, Ana aoaoga, Lana taulaga e faavavau.
O au o se Kerisiano! Ou te manao ia iloa e le lalolagi na maliu Iesu mo i latou.
Ona sa Ia tuuina mai Lona soifua mo i tatou, o le a tatou toe ola uma lava!
O au o se Kerisiano! Pe a tiga lou agaga i le agasala po o faigata o le lalolagi,
Ou te liliu atu o lo‘u loto ia Iesu ma ou te iloa o le a i ai o Ia iina.
O au o se Kerisiano! Ou te faaaoga au mea ua maua e fesoasoani ai i au uo e le tagolima.
Ou te taumafai e fai mea e faia e Keriso; o loo ou mulimuli i Lana taitaiga.
O au o se Kerisiano! Ou te manatua Keriso i le ala na Ia tau mai ia i tatou:
Ou te ai ma inu i le faamanatuga i vaiaso taitasi ma folafola atu ia faamaoni.
O au o se Kerisiano! E tusa lava pe na o au, ou te faaalia le amiomama.
Ou te faamaoni, lototoa, ma mama aiai. E mafai ona e faalagolago ia te au.
O au o se Kerisiano! Ou te faamagalo i latou uma e filifili e fai mea sese.
Ou te taliaina le filemu ma le faauo ma fesoasoani i tagata ia fealofani.
O au o se Kerisiano! Ou te alofa ia Iesu Keriso ma lo’u loto atoa. E moni!
O lou taimi lenei—faamolemole faasoa mai pe o le a le uiga o le avea ma Kerisiano ia te oe!