O La Tatou Talatuu Faifai Pea o Paionia
Itu agavale: Ata na tusia e Dan Burr
Ia Iulai o le 1847, na ulufale atu ai le vaega muamua o paionia i le Vanu o Sate Leki i le mavae ai o le savalia o Amerika i Sisifo i le sailia o se nofoaga fou e mafai ai e le Au Paia ona tapuai i le Alii ma saoloto mai sauaga. O le tele o tagata lotu i Amerika i Matu e mafai ona sueina i tua lo latou talatuu i nei tuaa paionia. Ae o le tele o tagata o le Ekalesia i le salafa o le lalolagi, na amata lo latou tofi paionia i se isi mea, a le o tuaa talu ai o e na auai i le Ekalesia pe atonu o i latou lava ao latou avea ma tagata muamua i lo latou aiga, nuu, po o le atunuu na taliaina le talalelei.
O lenei masina, ao tatou faamanatuina lo tatou tupuaga paionia, e mafai ona e fesili ia te oe lava; O fea na amata mai ai lou talatuu o le faatuatua? O a osigataulaga na faia e paionia o lou tupuaga e tuuto ai o latou olaga i le Ekalesia? E mafai faapefea ona ou faamamaluina ma faasoaina atu lo latou talatuu? O le a se mea e mafai ona ou faia e fesoasoani ai i isi ia malamalama ma faamamaluina lo latou lava tupuaga paionia?
Sei vagana ua tusia,* o nei ata ma isi mai le Falemataaga o le Talafaasolopito o le Ekalesia i le tauvaga o faatufugaga faavaomalo e mafai ona maua i le initoneti i le lds.org/go/71921.
Mai i le itu agavale i luga: O se Tamaitai o loo uuina le Tusi a Mamona ma se Ato o Fugalaau, saunia e Jubal Aviles Saenz
Fausia Nei mo le Faavavau, saunia e Sylvia Huege de Serville
Ala Mai, Ala Mai, ma Ofu Ou Ofu Matagofie, saunia e Natalie Ann Hunsaker
O le Asiasiga, saunia e Chu Chu
* Joseph William Billy Johnson: E Paia i le Alii, saunia e Emmalee Rose Glauser Powell
Aiga o Loo Faitautusi, saunia e Jose Manuel Valencia Arellano
O Se Malologa i le Ala, saunia e Carmelo Juan Cuyutupa Cannares
O le Fua o le Olioli, saunia e Nanako Hayashi