O Le A Le Galo Ia Te Ia Lau Galuega

I ni nai masina talu ai na fai ai sau miti lea, ao nofo i le lotu i le nofoa mulimuli lava e masani ai, e aunoa ma se manao e auai, na suia lau vaai. Na ou vaaia na toatele i totonu o le aulotu isi faifeautalai na vave foi mai. Na tupu mai se manao i lou loto e fesoasoani ia i latou ao ou vaavaai solo. Na ou iloaina o le faasoaina atu o ou aafiaga e mafai ona avea o se ala e auauna atu ai ia i latou ma fesoasoani ia i latou e faaauau i luga o le ala o le feagaiga e ui lava i lenei faigata e pei o se patupatu mo le saoasaoa i le ala.

Na ala mai i lenei miti, na tau mai ai e le Tama Faalelagi ia te au e alofa o Ia. Na te talisapaia le auaunaga amiotonu na matou tuuina atu o ni faifeautalai, e tusa lava pe o le a le umi na auauna atu ai i le misiona. “E le amioletonu le Atua na te le faagalogaloina la outou galuega ma le faamalosi i le alofa, ua outou faaali mai ai i lona suafa” (Eperu 6:10). I lau tusiga (tagai itulau 47), ou te faasoa atu ai se tala i tusitusiga paia ma aafiaga a isi faifeautalai na vave foi mai e mafai ona fesoasoani ia te oe ao e malaga ai i lenei auala e lei faamoemoeina ma faigata. Ou te fiafia foi i le ala ua faaaoga ai e Alex se tala mai le Tusi a Mamona e fesoasoani ai ia i tatou ia vaai ai e oo lava ia i latou na vave foi mai i le fale mo tulaga o le agavaa, o loo i ai pea le faamoemoe (tagai itulau 44).

I na o tusiga faatekinolosi, o le a e faitau ai i le ala na suia ai e Emily lagona o le popole, fefe, ma le leai o se faamoemoe na ia oo i ai i se olioli patino ma le paia. Ma o Kevin, o se fautua polofesa, ua ofoina mai ni fautuaga i le ala e mafai ai e e pele ona lagolagoina i latou o loo tauivi ma se vave foi mai.

O le mafuaaga na tatou vave foi mai ai taitoatasi e le afaina ae o le mea tatou te faia pe a tatou foi mai i le fale. Faatasi ma le fesoasoani a le Faaola, e mafai ai ona tatou faamalolo, alualu i luma, ma faaauau ona saili le olioli sili atu i la tatou malaga e faavavau.

Ma le faamaoni lava,

Liahona Ficquet

Fautuaga Sili …

Ua faasoa mai e talavou matutua a latou fautuaga sili e uiga i le foi vave mai i le fale mai i lau misiona:

“Tau lava o le iloa o le a LELEI mea uma. Na tuuina mai ia te au lenei fautuaga: e faigata seiloga e te filifili e le faigata. E mafai ona e filifili po o le a le ituaiga lumanai o le a e maua.”

—Nathaniel Park, Ausetalia i Sisifo, Ausetalia

“E le tau faamatalaina oe.”

—Elena Kingsley, Iuta, ISA

“Po o le a lava tulaga o i ai, taumafai e sue se faatulagaga fou mo oe lava, ina ia faamasani ai i le olaga ua uma le misiona.”

—Rosa-Lynn Ruiter, Netalani

“O le faaiuga o se tasi misiona o le amataga lea o se misiona fou. Saili lena misiona fou!”

—Roberto Alfonso Martinez IV, Iuta, ISA

“E alofa le Atua ia te oe ma e i ai se fuafuaga mo lou olaga. Tumau i le faatuatua!”

—Rebecca Stockton, Arisona, ISA

O le a le fautuaga aupito sili na e maua e uiga i le faaipoipoga? Auina mai lau tali i le liahona.lds.org ae le’i oo i le aso 31 o Iulai, 2019.