Founga hono Tokoniʻi e Fānaú Ke Nau Hoko ʻo Loto Vilitaki Angé
Ngaahi tā fakatātā, tamasiʻi ʻi ha maea, mo e taʻahine ʻokū ne puke ha meʻa hikihiki mei he Getty Images; laʻitā ʻo ha talavou ʻi ʻInitia ʻi heʻene fononga ki he lotú, fai ʻe Wendy Gibbs Keeler
“ Naʻe fekauʻaki e tefitoʻi fakaʻuhinga ʻo e foʻi lea ko e loto vilitakí mo e malava ʻe ha meʻa ke aʻusia hono fōtungá pe tuʻunga totonú ʻi he hili hano pikoʻi, faoʻi, pe kokoʻi. ʻOku tau fakaʻaongaʻi lahi ʻa e foʻi leá he ʻahó ni ke fakamatalaʻi ʻaki ʻetau malava ke fakaakeake mei he faingataʻá. …
“ʻI he taimi ʻoku fakatupulaki ai ʻe he fānaú ʻa e loto vilitakí, ʻoku nau tui te nau lava ʻo ueʻi pea aʻu ʻo nau puleʻi ʻa e ngaahi ola ʻi heʻenau moʻuí ʻi heʻenau ngāué, fakakaukaulotó, ʻiló, pea mo e pōtoʻi ngāué. … ʻOku nau tokanga taha pē ki he meʻa te nau malava ʻo faí kae ʻikai ko e ngaahi meʻa ʻoku ʻikai ke nau lava ʻo puleʻí” (Lyle J. Burrup, “Ko Hono Ohi Hake ʻo e Fānau Loto Vilitakí,” Liahona, Māʻasi 2013, 11).
-
Fakapaleʻi maʻu pē e ngaahi ngāue mo e ʻulungaanga lelei ʻokú ke fie fakamālohiá.
-
Fakamālōʻia e ngāue ʻa e tamasiʻí/taʻahiné.
-
Talaange ki he fānaú ʻoku nau mahuʻinga koeʻuhí he ko e ngaahi foha pe ngaahi ʻofefine kinautolu ʻo e ʻOtuá.
-
Fakamatalaʻi ʻa e taʻe-lavaʻí ko ha meʻa fakataimi pē pea mo ha faingamālie ke ako ai.
-
Fakamatalaʻi ʻa e lavameʻá ko ha ola ia ʻo e ngāue mālohí mo e feilaulaú.
-
Aleaʻi ʻa e ngaahi tuʻutuʻuní mo fokotuʻu ha ngaahi nunuʻa ʻoku ʻuhinga leleí, fekauʻaki mo e tōʻongá, mo fakatou fakaʻapaʻapaʻi ʻa e mātuʻá mo e fānaú.