Founga ʻe Tolu ke Fengāueʻaki Lelei ai mo e Niʻihi Kehé

Fai ʻe Palesiteni Russell M. Nelson

Naʻe akoʻi ʻe Sīsū e kakaí ʻi he founga ke nau fengāueʻaki lelei aí.

Founga #1: ʻOfa ʻi he kakaí.

Naʻe tuku mai ʻe Sīsū ʻa e ongo fekau lahí: ʻuluakí, ke “ʻofa [ki he ʻEiki] ko ho ʻOtuá ʻaki ho laumālié kotoa, mo hoʻo moʻuí kotoa, mo ho lotó kotoa” (Mātiu 22:37), pea ko e uá, ke “ʻofa ki ho kaungāʻapí ʻo hangē pē ko koé” (Mātiu 22:39).

ʻOku potupotutatau e ongo fekau ke ʻofa ki he ʻOtuá pea ʻofa ki hotau kaungāʻapí. ʻOku hoko moʻoni e kakaí ko e ngaahi tuongaʻane mo e tuofafine koeʻuhí ko ʻetau Tamaí moʻoni ʻa e ʻOtuá.

Founga #2: Fakamolemoleʻi Kinautolu.

Naʻe akoʻi kitautolu ʻe Sīsū ke fakamolemoleʻi e kakai kotoa pē, “koeʻuhí ke fakamolemolea ʻe hoʻomou Tamai ʻoku ʻi he langí hoʻomou ngaahi hiá” (Maʻake 11:25).

Founga #3: Fai kiate kinautolu e meʻa ʻokú ke loto ke fai atu kiate koé.

Naʻe akoʻi ʻe Sīsū ʻa e Lao Koulá ʻo pehē: “Ko e meʻa kotoa pē ʻoku mou loto ke fai ʻe he kakaí kiate kimoutolú, ke mou fai ia kiate kinautolu” (Mātiu 7:12).

ʻOku faingofua ke mahino e ʻuhinga ʻoku totonu ke tau fai ai ki he niʻihi kehé e meʻa ʻoku tau loto ke nau fai mai kiate kitautolú. Koeʻuhí ʻoku mahuʻinga e ngaahi foha mo e ʻofefine kotoa ʻo e ʻOtuá (vakai, Mātiu 25:40).

Toʻo mei he “Blessed are the Peacemakers,” Liahona, Nov. 2002, 39–42.

Ko hono Moʻui ʻaki ʻo e Lao Koulá

Ko e foʻi koini ʻe fiha te ke lava ʻo maʻú? Valivali lanu koula pe engeenga kinautolu.