Kau ʻAposetolo ʻi he Funga Māmaní
Ko e ʻAʻahi ʻa ʻEletā Lasipeni ki Keipi Veaté
ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.
Naʻe ʻaʻahi ʻa ʻEletā Lainolo A. Lasipeni mo hono uaifi ko Sisitā Melanī Lasipení ki Keipi Veate. Ko ha fonua fakaʻofoʻofa ia ʻoku ʻi ai hono ʻotu motu ʻe 10 ʻi he tafaʻaki fonua ʻo ʻAfiliká.
Naʻe ʻaʻahi ʻa ʻEletā Lasipani ki ha ʻapiako maʻá e fānau īkí. ʻOku ʻi ai honau tokolahi ʻoku ʻikai haʻanau mātuʻa ke tokangaʻi kinautolu. Naʻa nau tuʻu laine ke lulululu mo ia. Naʻe saiʻia ʻa ʻEletā Lasipeni ai. ʻOkú na maʻu mo Sisitā Lasipeni ha makapuna ʻe toko 27!
Ne nau ʻaʻahi foki ki ha faama. ʻOku ako e kāingalotu ʻo e Siasí ke tauhi e fanga puaká mo e fanga monumanu kehe aí ke nau lava ʻo tokoni ki honau fāmilí.
Naʻe vēkeveke e kakaí ke fanongo ki he lea ʻa ʻEletā Lasipení. Ko e fuofua taimi ia ke ʻaʻahi ha ʻAposetolo ki honau fonuá!
“ʻOku ʻofa ʻa e ʻOtuá ʻiate kimoutolu. ʻOku ʻofa ʻa e Fakamoʻuí ʻiate kimoutolu.”
—ʻEletā Ronald A. Rasband
Te Mau Lava Foki ʻo Tokoni!
ʻOku foaki ʻe he Siasí ha paʻanga ke tokoni ki he ʻapiako ʻo e fānau naʻe ʻaʻahi ki ai ʻa ʻEletā Lasipení. Ko e founga ʻeni te ke lava ai ʻo vahevahe hoʻo paʻangá mo e fānau hangē ko kinautolú!
-
ʻI hoʻo totongi hoʻo vahehongofulú, faʻo ha paʻanga makehe ki he silá.
-
Tohi ʻa e paʻanga makehé ʻi he laine ʻoku pehē “Tokoni ʻofa fakaetangatá.”
-
Tāpuniʻi e silá pea ʻave ia ki hoʻo pīsopé pe palesiteni fakakoló.
-
ʻE tokoni hoʻo paʻangá ki he kakai ʻi he funga ʻo e māmaní ʻi ha ngaahi founga lahi!
Naʻe foaki ʻe ha fānau ʻe toko fā ha paʻanga ki he Paʻanga Tokoni ʻOfa Fakaetangata ʻa e Siasí. Muimui ʻi he ngaahi fuo ʻi he halá ke vakai ki he meʻa naʻe fakaʻaongaʻi ki ai e paʻanga ʻa e kiʻi tamasiʻi/taʻahine takitaha.
-
Ngaahi Akoʻangá
-
Meʻakai mo e faitoʻo
-
ʻŪ Sea Teketeke
-
Tokoni hili e tāfeá pe mofuiké