Ngaahi Talanoa Mei he Folofolá
Ngaahi Tohi ʻa Paulá
Naʻe tokoni e ʻAposetolo ko Paulá ke taki e Siasí hili e pekia ʻa Sīsuú. ʻI he taimi ko iá, naʻe ʻikai ha telefoni pe ʻinitaneti. Ko ia ai naʻe faitohi ʻa Paula ki he kāingalotu ʻo e Siasí.
Naʻe tohi ʻa Paula ki he kakai ʻi he kolo ko Kolinitoó. Naʻá ne talaange ke nau fakamolemoleʻi e niʻihi kehé. Naʻá ne talaange ke nau faʻa kātaki. Naʻá ne tohi fekauʻaki mo Sīsū.
Naʻe tohi ʻa Paula ki he kakai ʻi ha feituʻu ko Kalētia. Naʻá ne talaange ke nau ʻofa ki honau kaungāʻapí. Naʻá ne talaange kiate kinautolu fekauʻaki mo e ongo ʻo e Laumālié.
Naʻe mahuʻinga fau e ngaahi tohi ʻa Paulá ʻo hoko ai ko ha konga ʻo e Tohi Tapú. Te ke lava ʻo lau kinautolu ʻi he Fuakava Foʻoú.
Te u lava ʻo ako mei he ngaahi akonaki ʻa Paulá. Te u fanongo ki he meʻa ʻoku akoʻi ʻe he palōfitá mo e kau ʻaposetoló ʻi he ʻaho ní!