Hello gikan sa Brazil!
Kami si Margo ug Paolo. Nagbiyahe mi sa tibuok kalibutan aron makakat-on mahitungod sa mga anak sa Dios. Kuyugi kami samtang bisitahon namo ang Brazil!
Ang Brazil mao ang labing dako nga nasud sa South America. Sobra sa usa ka milyon ka mga miyembro sa Simbahan ang nagpuyo didto.
Sa dili madugay aduna nay 11 ka templo sa Brazil! Sa pahina F10, mabasa nimo ang mahitungod sa unang pag-adto sa templo sa usa ka Brazilian nga batang lalaki.
Ang nag-unang pinulongan sa Brazil mao ang Portuguese. Kini ang Basahon ni Mormon sa Portuguese.
Ang Suba sa Amazon mao ang labing taas nga suba sa kalibutan. Ug ang kalasangan sa Amazon mao ang labing dako sa kalibutan! Puy-anan kini sa daghang talagsaon nga mga hayop.
Ang football mao ang labing sikat nga dula sa Brazil.
Usa ka higanteng estatuwa ni Jesukristo nagbarug sa tumoy sa bungtod duol sa dakbayan sa Rio de Janeiro.
Himamata ang pipila ka mga higala gikan sa Brazil!
Ganahan ko nga mosimba uban sa akong manghud nga babaye ug sa akong pamilya. Akong bation ang gugma sa Manluluwas kon ikauban nako ang akong pamilya diha sa miting sa sakramento. Mabati ko usab kini kon anaa ko sa Primary. Nasayud ko nga si Jesus buhi ug nagmahal kanato.
Yago V., edad 4, ug iyang igsoong babaye, Laís, edad 2, Minas Gerais, Brazil
Sa wala pa ko mabunyagi, nahadlok ko nga malumos tungod kay dili ko makamaong molangoy. Miingon ang akong amahan nga makasalig ko nga si Jesus magauban kanako. Human niana mibati ko og dakong kaisug ug nasayud ko nga wala ako mag-inusara. Ang adlaw sa akong bunyag maoy usa sa labing nindot nga mga adlaw sa akong kinabuhi.
Ana Luiza M., edad 9, Paraná, Brazil
Salamat sa pagsuroy sa Brazil uban kanamo. Magkita kita sa sunod higayon!
Mga Paghulagway pinaagi ni Katie McDee