Mubo ug Direkta

Unsaon nako pagpasabut ang akong mga higala nganong nagkinahanglan kita sa Basahon ni Mormon?

Nagtuo kita nga ang Basahon ni Mormon giandam sa Ginoo alang sa atong panahon ug importante alang kanato. Ania ang pipila ka rason ngano (sumala sa gipasabut ni Presidente Russell M. Nelson):

• Naglangkob kini sa mga tubag sa labing importanting mga pangutana sa kinabuhi.

• Nagtudlo kini sa doktrina ni Kristo.

• Naghatag kini og dugang impormasyon ug nagpatin-aw sa kadaghanan sa “mga yano ug bililhon” nga mga kamatuoran gikan sa Biblia nga nawala (tan-awa sa 1 Nephi 13:29–33).

• Naghatag kini sa labing hingpit ug labing batid nga pagsabut sa Pag-ula ni Jesukristo nga makita bisan asa.

• Nagtudlo kini kanato mahitungod sa pagpundok sa nagkatibulaag nga Israel.

• Nagbutyag kini sa mga taktika sa kaaway (tan-awa sa 2 Nephi 26–33).

• Nagbuntog kini sa sayop nga mga tradisyon sa relihiyon.

• Nagwagtang kini sa kahangturan sa sayop nga mga konsepto nga ang pagpadayag natapos na diha sa Biblia ug nga ang kalangitan sirado karon.

(Gikan sa Russell M. Nelson, “Ang Basahon ni Mormon: Unsa Kaha ang Imong Kinabuhi Kon wala Kini?” Liahona, Nob. 2017, 62).