Pagpamatuod mahitungod ni Jesukristo
“Ug karon, human sa daghan nga mga pagpamatuod nga gihatag mahitungod kaniya, kini mao ang pagpamatuod, ang katapusan sa tanan, nga kami naghatag kaniya: Nga siya buhi!
“Kay kami nakakita kaniya, gani diha sa tuo nga kilid sa Dios; ug kami nakadungog sa tingog nga nagpamatuod nga siya mao ang Bugtong Anak sa Amahan—
“Nga pinaagi kaniya, ug ngadto kaniya, ug tungod kaniya, ang mga kalibutan nalalang, ug ang mga lumulupyo niana mao ang mga anak nga lalaki ug mga anak nga babaye sa Dios.”
Siya buhi!
-
Si Jesukristo mibangon gikan sa lubnganan (tan-awa sa Mateo 28:6).
-
Siya adunay lawas nga unod ug bukog (tan-awa sa Lucas 24:39; Doktrina ug mga Pakigsaad 130:22).
-
Ang iyang nabanhaw nga lawas nahimaya ug imortal.
Kami nakakita kaniya
-
Ang Dios kanunay nga nagsunod sa sundanan sa pagtawag og mga saksi (tan-awa sa Mga Buhat 5:32).
-
Gitawag Niya si Joseph Smith nga mahimong saksi sa ulahing mga adlaw sa buhi nga Kristo.
Kami nakadungog sa tingog
Usa ka langitnong tingog, kasagaran ang tingog sa Amahan, mipamatuod sa ubang mga panahon nga si Jesukristo mao ang Anak sa Dios (tan-awa sa Mateo 3:17; 3 Nephi 11:7; Joseph Smith—Kasaysayan 1:17).
Mga Kalibutan Nalalang
Ubos sa direksyon sa Langitnong Amahan, gilalang ni Jesukristo ang “mga kalibutan nga dili maihap” (Moises 1:33).
Ang mga lumulupyo niana mao ang mga anak nga lalaki ug mga anak nga babaye
Pipila sa uban pa nga mga kalibutan gipuy-an. Wala kaayo kita masayud mahitungod niadto nga mga tawo (tan-awa sa Moises 1:35), apan nasayud kita nga sila mga anak sa Langitnong Amahan ug giluwas pinaagi sa Pag-ula ni Jesukristo.
Mga paghulagway pinaagi ni Josh Talbot
“Kini mao ang akong Hinigugmang Anak”