Dali, Sunod Kanako: Basahon ni Mormon
Unsa Kalisud ang Paghimo Niadtong Barko?
Enero 27–Pebrero 2 1 Nephi 16–22
Litrato gikan sa Getty Images
Alang ni Nephi, ang paghimo og barko lisud kaayo. Wala siyay sundanan nga mga plano [blueprints], walay katalogo aron sa pag-order og mga materyal, ug walay mga himan. Apan aduna siyay hugot nga pagtuo, maayong kinaiya sa pagpanarbaho, ug mga instruksyon gikan sa Ginoo (tan-awa sa 1 Nephi 17:8).
Mga Himan
Aron makahimo og mga himan sa pagpamanday, kinahanglang mangita ug mokabkab si Nephi og oro—hilabihan ka kapoy nga proseso nga naglakip sa pagmina og bato alang sa mga mineral, pagdugmok sa bato, ug pagtunaw sa lunsay nga mga mineral pinaagi sa grabing kainit gamit ang kalayo ug hasohasan [bellows] aron sa paghulma og metal (tan-awa sa 1 Nephi 17:9–11).
Timber
Tungod kay ang kahoy dili sagad makit-an diha sa kabaybayonan sa Arabian Peninsula, si Nephi tingali kinahanglang molakaw (tan-awa sa 1 Nephi 18:1) ngadto sa kabungturan aron mamutol og kahoy ug guyuron kini ngadto sa baybayon. Malagmit kadaghan kini buhaton aron makakuha og igo nga kahoy.
Hugot nga pagtuo
Si Nephi adunay hugot nga pagtuo nga mahimong paugahon sa Dios ang dagat kon mao kana ang Iyang kabubut-on. Apan aduna usab siyay hugot nga pagtuo nga ang Ginoo makatabang kaniya sa paghimo sa unsay daw imposible (tan-awa sa 1 Nephi 17:50–51).
Semana 1