Jān Būreejtōnji eo Kein Kajuon

Ļoor Painier ro

Jān Būreejtōn Dallin H. Oaks

Rikakpilōklōk eo Kein Kajuon ilo Būreejtōnji eo Kein Kajuon

Kar kakkare jān “Following the Pioneers,” Ensign, Nov. 1997, 72–74.

Jinoin aō kar etetal ilo jejjo iaan iaļ ko ijo painier ro m̧okta an Kabun̄ in rekar etetal ie ilo iaļ ko aer ļo̧k n̄an Salt Lake Valley. Ikar en̄jake ettā ke ij etetal ijo painier ro rekar etetal ie. Ak ejjab lukkuun aorōk n̄an etetal ijo rekar etetal ie jān ad mour āinwōt aer kar mour.

Painier ro rekar tiljek ilo aer kar erom̧ m̧ōttan kabun̄ eo ekāāl, juon laļ ekāāl, im wāween eo ekāāl n̄an kōm̧m̧ane men ko. Jemaron̄ lōke ilo Anij. Jej aikuj barāinwōt tōmak.

Rekar ļoor ta eo ritōl ro aer rekar kajjitōk ippāer n̄an kōm̧m̧ane. Jej aikuj barāinwōt pokake.

Rekar kōjerbal tōļan ko aer im rekar jerbal ippān doon n̄an kaļōk Zaion. Jej aikuj barāinwōt ippān doon.

Rekar jab kejo̧o̧l juon. Rekar lukkuun lale bwe ren kobaik ro me epen aer etetal ilo iaļ eo. Jej aikuj barāinwōt jeļā kile im karuwainene.

Jemaron̄ kautiej painier ro ilo ad ļoor waanjon̄ak ko aer. ●

Imaron̄ Erom̧ juon Painier

Jabdewōt eo ej tōl wāween in n̄an jipan̄ kōm̧m̧an bwe mour en em̧m̧anļo̧k n̄an baam̧le eo aer ej juon painier.

Kappukot iaļam̧ ilo iaļ ko rekapokpok. Eļļā jān iaļ kein, komaron̄ erom̧ juon painier n̄e …

• N̄e ij ekkatak juon men ekāāl.

• N̄e ij jipan̄ jino juon manit in iminene eo em̧m̧an.

• N̄e ij katakin baam̧le eo aō kōn gospel eo.

• N̄e ij kōm̧m̧an men ko n̄an kaļōk baam̧le eo aō n̄an indeeo.