Ewi wāween an Ukweļo̧k Oktak jān Buromōj n̄an Lan̄lōn̄?

Juļae 20–26

Alma ekar kwaļo̧k en̄jake eo an ke ekar oktak tok ippān ļeo nejin Hilamōn. Alma ekar ba ewi wāween an kar “widbwebwe kōn en̄taan ejjeļo̧k jem̧ļo̧kin” kōn “aolep [an] jero̧wiwi im nana ko” (Alma 36:12–13). Ewi wāween am̧ en̄jake n̄e kwoj en̄jake buromōj itok jān jerawiwi?

Ļotak ilo Anij

Ālkin jilu raan in widbwebwe ilowa, Alma ekar wōr juon an ļōmņak me ekar kōmeraik ļo̧k widbwebwe eo me ekar en̄jake (lale Alma 36:19). Ekar kam̧ool bwe ekar “bar ļotak ilo Anij” (Alma 36:23). Ta ļōmņak eo me ekar tōl e n̄an an bar ļotak ilo Anij? (Lale eoon 18.)

Lan̄lōn̄ ālkin Buromōj Eļap

Alma ekar en̄jake buromōj eļap kōn jerawiwi ko an, ak ke ekar kemeemej im kūr etan Jisōs Kraist, kar bōk jikin buromōj eo an n̄an lan̄lōn̄ in jeorļo̧k bōd eo em̧m̧an im aibojooj (lale Alma 36:20).

Lōke Anij

Ilo ad kemeemej Pinmuur eo an Jisōs Kraist, Alma ekar ekkatak n̄an lōke Anij im ekar jeļā bwe naaj kotak e ilo raan ko āliktata (lale Alma 36:3). Ewi wāween ilo am̧ kemeemej im pedped wōt ioon Pinmuur eo an Rilo̧mo̧o̧r kar boktok n̄an eok lan̄lōn̄?