Jelm̧ae Ilju im Jekļaj Ejjab Alikkar kōn Tōmak

N̄a juon Rikōm̧m̧an Pepe. Ikōņaan jeļā ta eo jej kōtmene aolep raan, bwe in maron̄ kōppopo n̄an e. Ak ewi wāween aō kōpooj ilju im jekļaj n̄e elukkuun ettoļo̧k im ejjab alikkar?

Mour in eaitok im edapakpak. Ekanooj lōn̄ men ko repād im̧aan! Ekanooj lōn̄ men ko remaron̄ waļo̧k! Elōn̄ men ko imaron̄ kar kōm̧m̧ani! Jet iien men ko rej waļo̧k retarjān jon̄an.

Elōn̄ men ko ikōņaan: juon pāleeō, juon jerbal em̧m̧an, maron̄ jelm̧ae apan̄, nejnej kuuj, jeje bok, ekkatak kajin Russia … Ak ibar jeļā ke ikdeleel im kōttōpar rej oktak. Men ko raorōk tata rej oktak.

Juon men eo eaorōk ejjab aikuj oktak ej ad kallim̧ur n̄an Anij im karōk eo An. Kōn loļo̧kjeņ eo An, jemaron̄ etale ilju im jekļaj eo me eobrak kōn kajjitōk kōnke E enaaj jipan̄ kōj kappukot uwaak ko, juon ilo̧k juon. Jej aikuj kōm̧m̧ane jokālet eo ad em̧m̧an tata jemaron̄ kōn kajjojo bun̄tōn.

Ilo jekjen in, rūm̧m̧an ded ro rej kwaļo̧k en̄jake ko aer make kōn wāween aer karōke ilju im jekļaj eo kōn jipan̄ eo an Jemedwōj Ilan̄ im wāween aer em̧akūt m̧aanļo̧k kōn tōmak n̄e rej jelm̧ae eļap men ko rejjab alikkar.

N̄e ej itok n̄an ilju im jekļaj, elōn̄ kajjitōk ko, ak meļeļein ekanooj lōn̄ men ko jemaron̄ tōpari. Elōn̄ bar men ko jemaron̄i—men ko jemaron̄i me rekwojarjar n̄an erom̧ āinwōt Jemedwōj Ilan̄ im eo Nejin, Jisōs Kraist.

Im menin ej kōm̧m̧an bwe ilju im jekļaj eo ad en aibojooj.

Meg Yost