Ewi wāween Ad Kōjekdo̧o̧n Katak ko Reriab?

Juļae 6–12

Korior ekar juon rijum̧ae kraist eo ekar kwaļo̧k naan “ņae kanaan ko kar kōnono kaki jān rikanaan ro, kōn itok eo an Kraist” (Alma 30:6). Ekar kwaļo̧k katak ko jet reriab im kar tōl “būruōn elōn̄” (Alma 30:18).

Men̄e menin ekar waļo̧k elōn̄ ļo̧k jān 2000 iiō ko rem̧ootļo̧k, elōn̄ armej rainin rej kwaļo̧k ejja men ko wōt. Ta eo jemaron̄ kōm̧m̧ane n̄an kōkajoorļo̧k kōj make ņae katak ko reriab ilo raan kein

Jemaron̄ Bōk Naan in Kam̧ool ko Ad Make

Korior ekar katakin armej “bwe enaaj ejjeļo̧k Kraist” im “ejjeļo̧k pinmuur,” im ekar kariab ke ewōr Anij (lale Alma 30:12, 17, 28).

Ewi wāween ad jeļā bwe Anij im Jisōs Kraist rej mour? Ta eoon im en̄jake ko am̧ make rekar kōkajoorļo̧k naan in kam̧ool eo am̧ kōn Er?

Jemaron̄ Pedped wōt ioon Revelesōn

Korior ekar kaarmejjete jetōb in kanaan im revelesōn. Ekar kajjieon̄ bwe armej ro ren tōmak ke “ejjeļo̧k armej emaron̄ jeļā kōn jabdewōt men ej itok” im “jab maron̄ jeļā kōn men ko kom̧ij jab maron̄ loi” (Alma 30:13, 15).

Jemaron̄ reilo̧k n̄an rikanaan ro im rijilōk ro n̄an bōk naan an Anij kōn tōre kein ad. Ewi wāween ilo am̧ ļoor rikanaan eo ej kōjparok eok ņae katak ko reriab?

Jemaron̄ Kemeemej Bwe M̧ool Ej M̧ool

Korior ekar ba n̄an armej bwe ejjeļo̧k bar juon wāween me remaron̄ kar jeļā ta eo em̧ool (lale Alma 30:24), ak Būreejtōn Russell M. Nelson ekar katakin: “Jet men ko rem̧ool im reļam waan. …

“… M̧ool ej pedped wōt ion kien ko me Anij ekar ejaaki. … Kien ko an mour indeeo rej jerbal im jelōt mour ko ad kajjojo, men̄e jej tōmaki ak jaab” (“The Love and Laws of God” [Brigham Young University devotional, Sept. 17, 2019], speeches.byu.edu). Ewi wāween ad lo m̧ool ko an Anij, im wāween aer kōjeraam̧m̧an mour ko ad?