Kōbwebweiien Iiōk ko Rettino

Jān Sister Cristina B. Franco

Rikakpilōklōk eo Kein Karuo ilo Būreejtōnji eo Eutiej an Būraimere

Kar kakkar jān “The Joy of Unselfish Service,” Liahona, Nov. 2018, 55–57.

Jemedwōj Ilan̄ ekōņaan bwe jen jipan̄ doon. Rūkaki eo aō ilo Būraimere ekar juon waanjon̄ak em̧m̧an kōn jerbal in jipan̄. Ke jekar itok n̄an Būraimere, Sister Antonietti aolep iien ej boktok juon jo̧kleej keek. Ikar dike jo̧kleej keek! Aolep rekōņaan. Ak ijjan̄in kar m̧ōn̄āiki.

Juon raan ekar kajjitōkin eō, “Etke kwojjab kajjieon̄e jidik? Kāek in ej kōm̧m̧an kōn kōbwebweiien ko rejeņoļo̧k.”

Ikar errā n̄an kajjieon̄ adjo̧n̄e. Im kwojeļā ta? Enno ippa!

Elōn̄ iiō tokālik jinō ekar ba n̄an n̄a kōbwebweiien iiōk eo ettino an Sister Antonietti. “Sister Antonietti ekar jabwe jāān ippān,” jinō ekar ba. “Kajjojo wiik ekar kālet n̄an kālet ikōttan kōļļāik wōneen iuwe ilo baj n̄an Būraimere ak wiaik kōbwebweiien iiōk ko n̄an kōm̧m̧ane juon jo̧kleej keek n̄an kūlaaj eo am̧. Ekar kālet aolep iien jo̧kleej keek eo. Kōn menin ijelo̧kin an iuwe ilo baj, ekar etetal laļļo̧k elōn̄ļo̧k jān ruo m̧ael [3 km], kajjojo iaļ, jekdo̧o̧n nana in mejatoto.”

Kōbwebweiien iiōk eo an Sister Antonietti kar kōkaļļein iakwe eo an n̄an ro jet! ●