Waanjon̄ak ko in Peran
Mijen Kūr eo Ekabwūlōn̄lōn̄
Edwin Dharmaraju ekar ettōn̄dikdik ke ej etetal laļļo̧k n̄an erboot eo im meram in al. Ekar maron̄ ello wōjke palm ko rej ekkarrōk ilo keboon in iaļ ko im etbwiin spice ko jān jikin wia ko repaak. E im kōrā eo pāleen, Elsie, rekar bar ro̧o̧lļo̧k n̄an India! Eto aer jokwe ilo Samoa, ak kiiō rekar bar jepļaak n̄an kabijuknen.
Edwin im Elsie rekar jab pād ijin n̄an bajjōk jambo im kōmejatoto. Kar kūr er n̄an jerbal āinwōt mijinede ro ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata. Edwin ekar en̄jake an ikūmkūm jidik. Ak ekar jeļā bwe Jemedwōj Ilan̄ enaaj jipan̄ er. Jemedwōj Ilan̄ ekar ļap an jipan̄ er.
Edwin im Elsie rekar ļotak ilo India. Ak Edwin ej kab kein kajuon an ron̄ kōn Kabun̄ in ke etal im jikuuļ ilo Amedka kan. Ekar etal n̄an m̧ōn jar in ijeņ. Ekar barāinwōt riiti Bok in Mormon. Ak ke ekar bar rool n̄an India,ekar meļo̧kļo̧k Kabun̄ in.
Jet iiō tokālik, Edwin im Elsie rekar en̄jake āinwōt rej aikuj em̧akūt n̄an Samoa. Edwin ekar juon scientist in menin mour jiddik ko, im ekar kōm̧m̧an juon an jerbal ilo āne eo n̄an kōm̧m̧an an etale. Kar ijo eo me Edwin im Elsie rekar ioon mijinede ro ie. Ke Edwin ej bar riiti Bok in Mormon, ekar en̄jake juon men eaorōk. Elsie ekar barāinwōt riiti Bok in Mormon. Rekar kālet bwe ren peptaij, ippān ļaddik im leddik ro nejier.
Ālkin aer kar kobatok ilo Kabun̄ in, ta eo Edwin ekar kōņaan eļap ej bwe baam̧le eo an ilo India ren bar ekkatak kōn gospel eo. Būrabļōm eo ej bwe ekar ejjeļo̧k mijinede ilo India n̄an katakin er! Edwin im Elsie rekar je juon leta n̄an headkuwata eo an Kabun̄ in kajjitōk bwe ren jilkinļo̧k mijinede ro n̄an India.
Ta eo ekar waļo̧k tokālik ekar juon kabwūlōn̄lōn̄ eļap. Būreejtōn Spencer W. Kimball ekar kūr them n̄an jerbal āinwōt jet mijinede ilo India!
Im ta kar wāween jineet ko.
Im kiiō, en̄in. Jinen im jemān Edwin im ro jein im jatin rekar barāinwōt pād iien eo. Kajju, Edwin im Elsie rekar jino katakin er. Baam̧le eo aer rekar m̧ōņōņō n̄an ekkatak kōn gospel eo.
Jejjo wiik tokālik, Edwin im baam̧le eo rekar koba ippān doon ipeļaakin buul in tutu eo ilo meļan eo an brother eo an. Buul eo ekar lukkuun erreo, em̧ōj unoiki, im eobrak kōn dān m̧ōļo. Aolep rekar ekkanōk nuknuk mouj. Kōrā ro rekar ekkaņōk sari ko me rej kitmi ņa ioon aerra er. Em̧m̧aan ro rekar ekkaņōk kopā ko rekilep im jeroujij jitaeļ in India.
Edwin ekar jutak ilo buul eo ippān jemān. “Samuel David,” Edwin said, “bwe em̧ōj kōmālim eō kōn Jisōs Kraist, ij peptaij eok ilo etan Jemān, im Nejin, im Jetōb Kwojarjar.”
Edwin ekar en̄jake m̧ōņōņō ke ekar peptaiji jemān. Ekar en̄jake eļapļo̧k m̧ōņōņō ke ekar peptaij jinen tokālik. Ilo jem̧ļo̧kin raan eo, Edwin ekar peptaiji 18 armej!
Raan eo tok juon, Edwin im Elsie rekar iuwe ilo juon tūrāin ium̧win jiljilno awa. Rekar loļo̧k elōn̄ membōr in baam̧le ko im kar katakin er kōn gospel eo. Edwin ekar peptaij bar emen iaan ro nukun ilo juon reba epaak.
Āliktata, Edwin im Elsie rekar bar iuwe ilo juon tūrāin ium̧win 16 awa n̄an loļo̧k ro jinen im jemān Elsie. Jemān Elsie ekar juon ritōl ilo bar juon kabun̄. Ekar jab peptaij, ak ekar ļōmņak bwe Bok in Mormon ekar juon bok em̧m̧an. Ekar jipan̄ ukot Bok in Mormon ilo n̄an Telugu, juon iaan kajin ko kōjerbali ilo India.
Ke Edwin im Elsie rekar kadedeikļo̧k mijen eo aero, ekar bwe an lōn̄ membōr ro rekāāl n̄an jino juon iaan branch ko an Kabun̄ in ilo India! Edwin im Elsie rekar lukkuun m̧ōņōņō ke rekar jepļaak n̄an Samoa. Rekar lukkuun m̧ōņōņō bwe Jemedwōj Ilan̄ ekar jilkinļo̧k er n̄an juon mijen! ●