Stap Serem Gospel

I kam long Elda Edward Dube

Blong Olgeta Seventi

“Yufala i mas lan long mi mo bambae yufala i save faenem pis long laef blong yufala” (Matiu 11:29).

Wan man we mi wok blong hem i bin givim wan kopi blong Buk blong Momon long mi. Be mi no bin ridim blong kolosap tu yia. Wan Sandei, mi pikimap Buk blong Momon mo mi go sidaon long saed blong rel blong tren aotsaed long taon we mi stap laef long hem long Simbabwe. Mi sidaon mo stat blong rid.

Blong fastaem i bin had blong andastanem. Be mi ridim bakegen testemoni blong Josef Smit bakegen mo bakegen. Ol toktok blong Hem i tajem hat blong mi.

Afta long hemia, wan i bin invaetem mi blong kam long jos. Long fas ples, mi no filim gud, mekem se mi sidaon long ro we i stap biaen. Be taem ol pipol oli stat blong serem testemoni blong olgeta abaot Sevya Jisas Kraes mo Buk blong Momon, mi bin filim wan samting we i gud tumas insaed.

I no longtaem afta long hemia, ol misinari oli kam long ples we mi stap laef long hem. I no longtaem afta, mi kasem baptaes. Sam yia afta, mi bin gat ona blong go long wan misin, mo serem gospel wetem plante narafala man.

Jos i bin gro plante long Simbabwe. Be i gat fulap wok i stap yet blong yumi save serem gospel, i nomata long weaples yumi stap laef long hem. Tru long prea, skripja stadi, mo haos naet, yu save mekem testemoni blong yu i gro, mo stap kolosap long Papa long Heven. Testemoni blong yu i save blesem laef blong plante pipol raon long wol. ●