?Hem i minim wanem blong rili jenisim laef?

(19–25 Oktoba)

Afta we Sevya i bin kamaot long Ol Man blong Nifae, oli bin gat kolosap 200 yia blong yuniti mo pis from se “evriwan i bin jenisim laef i go long Lod” (4 Nifae 1:2).

Hapines mo Yuniti

Ol Man blong Nifae oli bin hapi mo oli bin yunaet tru long ol stret mo gud aksen blong olgeta (luk long 4 Nifae 1:2–15).

Oli bin stret mo kaen long wanwan long olgeta.
Oli bin folem ol komanmen blong Kraes.
Oli bin gat tingting i stap daon taem oli bin livim kaekae mo prea.

?Wanem sam long ol nara eksampol blong ol stret mo gud aksen blong Ol Man blong Nifae? Yu save ridim 4 Nifae 1:2–15 mo fulumap ol emti spes wetem moa eksampol we yu faenem:

_______________________________________________________________
_______________________________________________________________

Harem Nogud mo Seraot

Sore tumas, olgeta yia ia blong yuniti mo hapines oli no bin stap blong oltaem. Long en, Ol Man blong Nifae oli bin stop blong stap obei long ol komanmen blong God (luk long 4 Nifae 1:24–31). Taem oli bin mekem olsem:

Oli bin kam selfis mo oli bin gat hae tingting.
Oli bin bildim ol jos blong olgetawan blong kasem mane.
Oli bin tanem baksaed long Jos Ia blong Kraes.