Camille N. Johnson

Peresitedi Raraba ni Lalai

Sa vakayagataka o Camille N. Johnson na nona bula me vulica na vosa, buli ira, ka vakayagataki ira me vukea na tamata me walia na leqa ena loma ni 30 na yabaki ni nona cakacaka vaka loya. Ka sa dau kunea o koya na vakacegu levu ena vosa ni ivolanikalou. E wiliki ira sara ga me nona itokani voleka o ira era talanoataki ena ivolanikalou.

Ia, ni rau toki kei na watina ki na Ceva kei Amerika me rau liutaka na Tabana ni Kaulotu na Peru Arequipa mai na 2016 ki na 2019, a gadreva dede tu na vosa. Ni se bera vakadua ni vulica na vosa vaka-Sipeni, a masulaka o koya na kaukauwa me veitaratara kei ira na nona daukaulotu kei ira na tamata me rawa ni ra vakila na nona lomani ira kei na nona ivakadinadina ni iVola i Momani.

“Au vakararavi vua na Turaga ka vakararavi vua na Yalotabu me tukuna na noqu loloma kei na ivakadinadina ni sega ni rawai vei au na vosa. Sa qai dua na lesoni kamica au a vulica meu ‘kakua ni vakararavi ki na noqu yalomatua’ [Na Vosa Vakaibalebale 3:5] ia meu solia kece vua na noqu iVakabula.”

Ena nona ilakolako a vakavulica tale e dua na dina rawarawa ni kosipeli: “E baleta na lomani ni iVakabula, dauloloma me vakataka na iVakabula, ka vakatara me cakacaka ena noda bula na loloma kei na Veisorovaki i Jisu Karisito.”

A vakalougatataki o Sister Johnson ena loloma vei ira na daukaulotu ni 552 na daukaulotu ka sa vakila oqo ni sa rabailevu na yalona me lomani ira e dua na milioni na gone ka sa veiqaravi tiko kina o koya.

“Au rekitaka na madigi oqo meu vuli mai vei ira na gone era iyaloyalo ni loloma savasava i Jisu Karisito,” e kaya o koya.

A sucu o Camille Neddo Johnson ena ika 12 ni Sepiteba, 1963, vei rau o Hal kei Dorothy Neddo mai Pocatello, Idaho e Amerika. A vakamautaki Douglas R. Johnson ena 1987 ena Valetabu e Salt Lake. E tolu na luvedrau. A taurivola mai na University of Utah ena vosa Vakavalagi ena 1985 kei na University of Utah S. J. Quinney College of Law ena 1989.

Sa veiqaravi oti o Sisita Johnson vaka peresitedi ni Goneyalewa ena tabanalevu, ena mataveiliutaki ni iSoqosoqo ni Veivukei kei na Lalai ena tabanalevu, ka qasenivuli ni iVakavuvuli ni Kosipeli.