Elder S. Mark Palmer

Mataveiliutaki ni Vitusagavulu

Ena dau vakavinavinakataka tu ga o Elder S. Mark Palmer na reki kei na inuinui e kune ena veiqaravi kei na cakacaka vakalotu ni valetabu. Na veikacivi me veiqaravi e veimacawa ena Valetabu e Dallas Texas vata kei na watina, o Jacqueline, ena dua na gauna osooso duadua ni nodrau bula a vukei Elder Palmer me tuva tale na veika me vakaliuca. Na veiqaravi ena valetabu e vakavulici koya me solibula, tuvatuva vinaka vakatautauvata ka vukei koya me nanuma na nona veiyalayalati ka yaco me tagane vakawati ka tama vinaka cake. Na veiqaravi ena valetabu e vakananumi koya me baleta na ituvaki tawamudu ni matavuvale kei na dua na veivakaduavatataki rekitaki mai muri vata kei ira na nona daulomani era sa takali yani, oka kina e dua na marama tacina ka a takali yani ni a yabaki dua.

Na veiqaravi ena valetabu a vukei Elder Palmer talega me vakavakarau vakayalo ki na veikacivi ni matabete ena veisiga ni mataka, oka kina me lewe ni Mataveiliutaki ni Vitusagavulu. O Elder Palmer, a tokoni ena 3 ni Epereli, 2021, ena tekivuna na nona itavi vou ena 1 ni Okosita, 2021.

A sucu o Stanley Mark Palmer ena 11 ni Feperueri, 1956, mai Te Puke, Bay of Plenty, Niu Siladi, vei rau o Kenneth kei Jill Palmer. A curu ki na Lotu nona matavuvale ni se cauravou lailai sara.

Ni oti nona veiqaravi vakadaukaulotu ena Tabana ni Kaulotu e Wellington Niu Siladi, e rawata na koroi vaka bejila ena commerce e University of Auckland ena 1979 kei na masters ni veiliutaki vakabisinisi ena Brigham Young University ena 1982. Ni vakaitikotiko mai Provo e Utah, Amerika, a sotava e dua se qai lesu mai na kaulotu ka yacana o Jacqueline Wood. Rau a vakamau ena 1981 ena Valetabu e Salt Lake. E ono na luvedrau ka tinikaono na makubudrau.

O Elder Palmer e peresitedi ni SMP Ventures, e dua na kabani ni vakatorocaketaki iyauqaqa a tauyavutaka mai Austin, Texas, Amerika. Sa veiqaravi oti o koya vaka bisopi, peresitedi ni iteki, peresitedi ni Tabana ni Kaulotu na Washington Spokane (2009–12), peresitedi vakawawa ni Tabana ni Kaulotu na Australia Sydney South (2014), ka Vitusagavulu ni iWasewase.

A tokoni me Vakaitutu Raraba ena Vitusagavulu ena 2 ni Epereli, 2016, ka veiqaravi tiko ena gauna oqo vaka-peresitedi ni iWasewase ena Ceva kei Aferika.