Elder Alvin F. Meredith III

Vitusagavulu Vakaitutu Raraba

Ena iotioti ni yabaki ni vuli torocake nei Alvin F. Meredith mai Tennessee e Amerika, a digitaki me dauqito ni nona koronivuli ni yabaki mai vei ira e dua na ilawalawa gonevuli dauqito va-Karisito.

Ni oti ga vakalailai, a tukuna vua o nona dauveivakatavulici ni sa bokoci koya na itutu ni veiliutaki ni ilawalawa baleta ni ra sega ni kila na Lotu i Jisu Karisito ni Yalododonu Edaidai me vakabauta Vakarisito.

Na nona dauniveivakatavulici, “e dua na turaga vakabauta Vakarisito dina,” a kerea na isoqosoqo me vakauta e dua ki na koronivuli me mai sota vata kei na gone dauqito oqo. A lako mai na mata ni isoqosoqo ki na koronivuli torocake ka vakamacalataka e 10 na tiki ni vunau e vakila o koya ni sa dodonu ki na nodra lewa me ra vakuwai koya na dauqito Yalododonu Edaidai. Nona a raica e dua na iVolatabu ena dua na kato nei dua, a taroga o Elder Meredith kevaka e rawa ni rau railesuva eso na tikina.

“Keirau raica na veitikina e 10 yadua ka gole vei Veigauna kei Jemesa kei na ivola ni ai Vakatakila kei Korinica,” e kaya o Elder Meredith. “A bolei na noqu vakabauta, ia ena bukawaqa ni bolebole oya, a vakaukauwataki ka sega vakadua ni yamekemeke mai na gauna oya.”

A sucu o Alvin Frazier “Trip” Meredith III e Chattanooga, Tennessee, Amerika, ena 22 ni Julai, 1970, vei rau o Alvin kei Mary Meredith. A vakamautaki Jennifer Denise Edgin ena 1998 ena Valetabu e Salt Lake. E ono na luvedrau.

A taurivola o Elder Meredith ka vakoroi ni bejila ni saikolaji mai na Brigham Young University ena 1994 ka rawata na nona koroi cecere ni veiliutaki vakabisinisi mai na University of Chicago ena 2001. A cakacaka ena GE Capital, Boston Consulting Group, kei na Asurion.

Ni se cauravou, a veiqaravi o Elder Meredith ena Tabana ni Kaulotu na Utah Salt Lake Mission. Ena gauna a kacivi kina me Vakaitutu Raraba ena Vitusagavulu, a veiqaravi vaka peresitedi ni Tabana ni Kaulotu e Salt Lake City South. Sa veiqaravi oti talega vaka Vitusagavulu ni iWasewase, peresitedi ni iteki, daunivakasala ena mataveiliutaki ni kaulotu, bisopi, ka qasenivuli ni Matawilivola ni Sigatabu.