Na Veika e Yaco ena Monalivaliva e Vakavurea na Duavata

Na soqoni ena monalivaliva e sa vakavurea e vuqa na madigi vei ira na lewe ni Lotu me ra vakila na duavata ena inaki kei na kilaka vakosipeli.

iTokani ki na iTokani

E ratou cicivaka na Mataveiliutaki Raraba ni Lalai, na soqo oqo me baleti ira na gonelalai, itubutubu, kei na iliuliu a qarava e dua na gonetagane kei na dua na goneyalewa ni vosa vaka-Valagi, vaka-Sipeni, se Potukali. Eso tale na gone era soli ripote ena mataveilawa mai na veiyasai vuravura. Na veiwasei oqo e oka kina na italanoa me baleti Jisu Karisito, e dua na itukutuku mai vei Presitedi Russel M. Nelson kivei ira na gone, e dua na veivakatarogi me baleta na veiyalayalati ni papitaiso vata kei Elder Ulisses Soares ena Kuoramu ni iApositolo Le Tinikarua, kei na veivosaki vata kei na Mataveiliutaki Raraba ni Lalai. E oka talega kina na droini ni lesoni, itaviqaravi ni cakacaka ni liga, kei na lagasere. Sa vakadewataki oti na soqo ka sa rawa ni saravi ena so tale na vosa. Sa na vakarautaki tale ga ena veitikina leleka me vakayagataki ena vulici ni kosipeli e vale.

Soqo ni Marau ni Goneyalewa

Eratou a vakayacora na Mataveiliutaki Raraba ni Goneyalewa e dua na soqo ena monalivaliva e marautaki kina nai ka 150 ni yabaki ni isoqosoqo ni Goneyalewa. A kaburaki ena 11 na vosa. A vakarautaka o Peresitedi Nelson e dua na itukutuku katoni, ka ra sauma na iliuliu ni Goneyalewa na taro ena vosa Vakavalagi, Sipeni, kei na Potukali. Era cabora na masu na goneyalewa mai Norway kei Thailand. Ena 2020, era a vakauqeti na goneyalewa e vuravura taucoko me ra cakava e 150 na ivalavala ni veiqaravi.

Sema ni RootsTech

E sivia ni dua na milioni na maqusa ni tuva kawa era a lewena na veika a yaco ena soqoni ena monalivaliva ni RootsTech ena Feperueri 2021. Sa ikoya na iwiliwili levu duadua ni vakaitavi ena ka sa yaco me vakataka na marautaki levu duadua ni tuva kawa e vuravura. Sa vakarautaka na RootsTech na kena vakatorocaketaki e dua na valenivola ni vuli mareqeti ena monalivaliva ka na rawa ni tiko ena veiyabaki taucoko. A vosa o Elder Jeffrey R. Holland ena Kuoramu ni iApositolo Le Tinikarua kei na watina, o Patricia, me rau vosa ena Siga ni Kunei ni Matavuvale, sa ikoya e dua na tiki vakayabaki ni vakasoqoni vata.

Soqoni ni Marautaki na Matasere ni iTabagone

Na Soqo ni Sereivakatagi ni iTabagone e vuravura raraba e cau mai kina na taledi kei na ivakadinadina. Era a vakayacora na itabagone mai Niu Siladi, Brazil, na Dominican Republic, Jamani, Sauca Aferika, kei na Yatu Filipaini na parokaramu, ka yavutaki ena itoko ni itabagone ni Lotu ena 2021, “E Dua na Cakacaka Cecere” (raica na Vunau kei na Veiyalayalati 64:33–34). Me ikuri ni sereivakatagi kei na itukutuku va-Karisito mai vei ira nodra icaba, era a rogoci Peresitedi Nelson talega na itabagone; Peresitedi Bonnie H. Cordon, Peresitedi Raraba ni Goneyalewa; kei Peresitedi Steven J. Lund, na Peresitedi Raraba ni Cauravou.

Nodra Madigi na Marama

O Peresitedi Jean B. Bingham, na Peresitedi Raraba ni iSoqosoqo ni Veivukei, a vosa ena idola ni vosa ena ikalima ni Marama Raraba Vakayabaki-e-Diplomacy Day symposium. E cicivaka na iliuliu dokai na matanivanua ni Republic of Senegal, na soqoni ena monalivaliva ka a tekivutaki mai Los Angeles, California, Amerika. A tukuna o Peresitedi Bingham vei ira era vakaitavitaki na iliuliu ni bisinisi kei na mata mai na veivanua ni vuli e idola ki na rawa-ka vei ira na marama kei na goneyalewa e vuravura raraba. A wasea o koya na nodra ivakaraitaki na marama era sa vakalougatataki ena sasaga ni vulici ka kilai na Kosipeli ni Lotu.

Vakatasuasua ni Siganisucu

O ira na lewe ni Lotu kei na itokani ni veimatalotu tale eso mai na veiyasai vuravura era vakauta mai na soqo ni vidio ni Siganisucu ka ra a veisautaki me i vakatasuasua kei na kakaburaki ena ChurchofJesusChrist.org ena gauna taucoko ni Siganisucu me tiki ni vakatasuasua vakayabaki ni kena vunautaki na Siganisucu ni Vuravura.