Kauta mai na Veivukei na Sasaga ni Kawatamata

Sa tomana tiko na Lotu na sasaga ni nodra vukei o ira era vakaleqai tu e vuravura raraba ka vakarautaka na veivuke raraba ena gauna ni leqa tubukoso.

Ena sasaga levu duadua ni veivukei vakamatatamata ena itukutuku ni Lotu, na Charities ni Yalododonu Edaidai (na liga ni veiqaravi raraba ni Lotu) sa vukei ira e vuqa na tamata ena gauna ni matedewa na COVID-19, me ra vakarautaka na ilavo kei na iyaya me veivuke ena kena tatarovi kei na qaravi ni mate. Sa vakarautaka talega na sasaga na iyaya kei na veituberi me baleti ira na kenadau ena qaravi ni bula, oka kina na veidusimaki ena ivakarau ni kena soli na veitokoni vakayago, vakasama, kei na yalo ni tamata.

Sa veisau na iqaqi ni ivalavala ni kakana ni lotu me sotava na gagadre levu cake, na caka ivoli kei na iyaya sa vakarautaki tu me vaka e gadrevi vei ira na iliuliu ni Lotu, tabana ni itikotiko raraba, parokaramu ni veivakani ni koronivuli, baqe ni kakana, kei na veisoqosoqo tale eso era sa veitokani vata kei na Lotu, oka kina na matanitu, veitabana sega ni lewe ni veivanua, kei na ilawalawa ni veivuke raraba tale eso. Me yacova mai oqo, sa tokona tiko na Charities ni Yalododonu Edaidai e 1,050 na cakacaka ni veivukei ni COVID-19 ena 152 na matanitu.

Me tekivu mai na koniferedi raraba sa oti, sa tu vei ira na Charities ni Yalododonu Edaidai kei na iwasewase kei na iliuliu ni Lotu e kea na:

Tuvai vinaka na volodia ni Liga dauveivuke kei na sasaga ni veivuke ni oti e tolu na cagilaba ena ikeli kei Amerika mai na cevaicake kei Texas ki na Florida panhandle.
Cakacaka vata kei ira na veitokani ka cakacaka vata kei ira na iliuliu ni Lotu me vakarautaki na veivuke ni oti na typhoon e ravuti Phillipines. Era a vakayagataki e vasagavulu na vale ni Lotu me vale ni veivueti.
Lako mai ki na nodra vukei na vakaleqai ena kama ni veikau ena 23 na iteki e California, Idaho, Oregon, kei Washington, e Amerika.
Cakacaka vata kei na dua na itokani kabani me vakarautaka e 180 na tani na kakana me vukei ira na vakaleqai tu e Wyoming, Maryland, Michigan, Nebraska, South Carolina, Colorado, Massachusetts, kei na Vualiku kei Carolina, e Amerika.
A soli e $1 na milioni ki na Mataivalu ni Veivakabulai me tokona na kena votai na kakana ena sivia na 150 na vanua e Amerika taucoko.
Soli kakana ki na 200 na veitaba ni kakana e New York, e Amerika.
Solia e 37,500 na paudi ni isulu kei na 171,168 na paudi ni kakana ki Honduras, cakacaka vata kei ira na iliuliu ni matanitu kei na itikotiko raraba me vakarautaka na veivuke vei ira na bula ni oti e rua na cagilaba.
Veivuke ki na parokaramu vakailavotaki ka na vakarautaka e 30 na milioni na kana me baleta na koronivuli ena ciwa na matanitu mai Aferika.
E cicivaka e 200 na tabana ni tauri dra ka kosova e 14 na matanitu ena iWasewase ni Lotu e Loma ni Vualiku kei Amerika.
Cau vakalevu cake mai na $200,000 me baleta na iyaya veitaqomaki yadua me baleti ira na kenadau vakavuniwai kei na matavulo me baleti ira na gonevuli e Botswana. E tinikadua na ivavakoso ni Lotu ena vanua oya era cula vata e 8,000 na matavulo me vukea na sasaga.
A solia e dua na isau ni $20 na milioni ena kena tokoni na isau ni COVID-19 ni United Nations International Children‘s Fund (UNICEF), ka na vukea na kena vakarautaki na icula ki na 196 na matanitu.
Wasei e 790,400 na paudi na kakana; 17,000 na kisi ni wai; meteresi, kei na iyaya tale eso vei ira era vakaleqai tu e Texas kei Oklahoma ni oti na cagi kaukauwa sara ni vula i liliwa .