Elder Carlos G. Revillo Jr.

Vitusagavulu Vakaitutu Raraba

Me tekivu mai na gauna ni gone, a gadreva o Elder Carlos G. Revillo Jr. me laki kaulotu. Nona a lai vuli torocake, a nanuma me vakadaroya na nona kaulotu ena dua na yabaki me vakacavara e dua na diqiri ni idinia ni wainimate yabaki lima ka pasitaka na veitarogi ena matabose raraba. A yaco me dua vei ira na lewe lima icake ena board exams ka ciqoma e vica na veisureti ni cakacaka vinaka e solia mai e vica na kabani.

“Ena gauna o ya, au a tarogi au, ‘Au vinakata dina beka meu kaulotu? Au kila dina beka ni o Josefa Simici e parofita dina ka sa dina na iVola i Momani?’” E kaya o Elder Revillo. “Au masulaka ka raica sara ga na veika au vakabauta.”

E muri a qai kila ni masulaki tiko ka lolovaki koya tiko o tinana. E kaya o Elder Revillo ni tara na yalona na Yalotabu.

“A vakabulabulataki vakataucoko na noqu ivakadinadina noqu lei veiqaravi vakadaukaulotu,” e kaya o koya. “Na veivakalougatataki kece au sa mai ciqoma oqo au vagolea kina vakatulewa bibi o ya.”

A sucu o Carlos Garcia Revillo Jr. e General Santos City, Philippines, ena 8 ni Noveba, 1965, vei rau o Carlos G. Revillo Sr. kei Amparo Revillo. A tubu cake mai General Santos, veiqaravi vakadaukaulotu ena Tabana ni Kaulotu na Philippines Bacolod, ka vakamautaki Marites Enriquez Fernando Revillo ena Valetabu e Manila Philippines ena 1989. E va na luvedrau.

A taurivola o Elder Revillo ena bejila ni idinia ni wainimate mai na University of Santo Tomas e Manila ena 1986. Sa cakacaka oti o koya ena 22 na yabaki ena veitutu vakamanidia ena Procter & Gamble mai na Phillipines, na yasayasa vaka-Esia-Pasifika, kei na itikotiko liu ni kabani e Amerika. Sa cakacaka talega o koya me liutaka na kena vinaka, taqomaki ni kakana, kei na veika vakalawa e Esia ki na Kabani ni Kellogg.

O Elder Revillo, na manidia ni welefea kei na bula rawati koya ni Lotu mai na Phillipines ena gauna e kacivi kina, a veiqaravi vakabisopi, peresitedi ni iteki, qasenivuli ni semineri, lewe ni matabose e cake, ka peresitedi ni Tabana ni Kaulotu ena Philippines Quezon City mai na 2013 ki na 2016.