Dali, Sunod Kanako
Ang Sambingay sa Halangdon nga Tawo: Usa Ka Leksiyon sa Pagkamasulundon
Doktrina ug mga Pakigsaad 101:43–62 nagpakita og usa ka sambingay nga gihatag sa pagpasabot kon nganong ang mga Santos giabog gikan sa Missouri.
Diha sa sambingay, ang mga sulugoon nagsugod sa pagtukod og usa ka tore apan mihukom dayon nga “wala na kinahanglana” ang pagtukod niini (Doktrina ug mga Pakigsaad 101:49). Apan tungod kay sila wala motukod sa tore, sila walay pahimangno kon ang kaaway makasulod ug moguba sa ubasan.
Usa ka halangdon nga tawo misugo sa iyang sulugoon sa pagtanom og usa ka ubasan ug sa pagtukod og usa ka ali sa palibot nga mga kahoy ug usa ka tore aron ang usa ka magbalantay makatan-aw ibabaw sa yuta.
Ang mga Sulugoon mitanom sa ubasan ug mitukod sa ali apan nakahukom nga dili motukod og tore.
Usa ka wala damha nga mga kaaway miguba sa ubasan.
Mga paghulagway ni Ben Simonsen
Akoa bang gituis ang mga sugo sa Dios?
Kamo, sama ba sa mga sulugoon, naghunahuna kon ang usa ka sugo gikinahanglan ba gayod? Kini nga sambingay nagtudlo kanato nga ang mga sugo sa Ginoo makapanalipod kanato ug makatabang kanato nga magpuyo sa malipayon nga kinabuhi (tan-awa usab sa Mosiah 2:41; Doktrina ug mga Pakigsaad 82:8–10).
Unsay atong buhaton kon wala nato makita ang kamahinungdanon sa usa ka sugo?
-
Pagtuon sa mga hilisgotan ug pag-ampo nga ang Ginoo motabang kanato nga “m[a]bati nga kini husto” (Doktrina ug mga Pakigsaad 9:8).
-
Hinumdumi ang mga panahon nga milabay sa dihang ang pagkamasulundon nakadala og mga panalangin.1
-
Lihok diha sa hugot nga pagtuo, mosalig nga kita makasabot “human sa pagsulay sa [atong] hugot nga pagtuo” (Ether 12:6).