Kampo sa Zion—Pagpangandam sa Pagserbisyo sa Ginoo

Human ang grupo sa miyembro sa Simbahan nga nailhan nga Kampo sa Zion mimartsa og gatusan ka milya aron sa pagtabang sa ilang isig ka Santos, ang Ginoo misulti ni Joseph Smith sa pagbungkag sa grupo, bisan og nagtuo sila nga sila wala makatuman sa ilang tumong. Tungod niini, dunay pipila nga mitawag sa Kampo sa Zion nga usa ka pakyas, apan kadtong kinsa miapil mipamatuod nga ang ilang kasinatian miandam kanila sa umaabot nga pagserbisyo sa Ginoo.

Atol sa layo nga pagmartsa, pipila sa mga sakop sa kampo nagbagulbol ug namulong batok ni Propeta Joseph, apan ang uban nagmatinud-anon ngadto kaniya ug nakakat-on sa pailob ug pagkamasulundon.

Pebrero 1834: Si Joseph Smith nakadawat og pagpadayag aron sa pagpangita og dili mominos sa 100 ka tawo sa pagmartsa ngadto sa Missouri ug aron sa pagtabang sa mga Santos nga mabalik ang ilang yuta sa distrito sa Jackson.
Ang 2 ka grupo nga miagi sa managlahi nga rota nag-abot pagka-Hunyo.
Mga 207 ka lalakiug 25 ka babaye ug mga bata ang miapil.
Sila mimartsa tali sa 20–40 ka milya (32 ngadto sa 64 km) kada adlaw.
Kadaghanan mibiyahe og kapin sa 900 ka milya (1,450 km) agi sa 4 ka estado.
13 ka Santos ang namatay gumikan sa pagdagsang sa sakit nga kolera sa kampo.
8 sa unang 12 ka Apostoles sa ulahing mga adlaw nagserbisyo niini nga kampo.
Tanan sa unang Seventy sa ulahing mga adlaw mga sakop sa kampo.
Hunyo 1834:Si Propeta Joseph Smith nakadawat og pagpadayag nga dawaton ang halad sa mga miyembro sa kampo, ug sila bungkagon.

Panaghisgotan

Unsa kaha ang gipasabot sa pagtubos sa Zion? (tan-awa sa Doktrina ug mga Pakigsaad 103:15).