Welcome Niini nga Isyu

Pagtahod alang sa Tanang Anak sa Dios

Si Presidente Russell M. Nelson miawhag kanato sa “pagpalapad sa atong sirkulo sa gugma sa paghangop sa tibuok tawhanong pamilya” (Teachings of Russell M. Nelson [Mga Pagtulon-an ni Russell M. Nelson] [2018], 83). Sa kadaghan nga pagkalahi-lahi taliwala sa mga anak sa Dios, sa unsang paagi kita makamugna og usa ka komunidad diin ang tanang tawo nagpuyo sa panaghiusa?

Sa iyang artikulo nga “Pagpahinabo sa Zion” (pahina 6), si Elder Gerrit W. Gong sa Korum sa Napulog Duha Ka Apostoles nagdapit kanato sa paghiusa sa atong mga kasingkasing ug mga hunahuna samtang kita modapit sa tanan sa pagduol ngadto kang Kristo. Ang “Pagbuntog sa Diskriminasyon sa Kaliwat ug Pagkamahukmanon: Kita Makatukod og mga Taytayan” (pahina 38) makatabang kanato sa atong paningkamot nga mahimong usa. Sigurado, ang pagkahimong usa nagsugod sa paghimo ug pagtuman sa mga pakigsaad uban sa atong Langitnong Amahan. Pagkat-on og dugang diha sa “Mga Pakigsaad, Mga Ordinansa, ug Mga Panalangin” ni Elder Randy D. Funk sa Seventy (pahina 30).

Dili lamang nga ang pagmugna og panaghiusa diha sa atong panaglahi-lahi usa ka sugo (tan-awa sa Juan 17:21; Doktrina ug mga Pakigsaad 38: 27), apan oportunidad usab kini alang kanato nga makat-on ug mapanalanginan pinaagi sa atong mga kaigsoonan sa ubang mga kultura, mga kaliwatan, ug mga kasinatian. Manghinaot kami nga ang isyu niini nga bulan makatabang kanatong tanan sa pagpuyo nga mas magkahiusa diha kang Kristo.

Matinuoron,

Elder Walter F. González

Sa Seventy

Adviser ngadto sa Liahona