Njoo, Unifuate

2 Wafalme 21–23

Maandiko Hugeuza Mioyo Yetu kwa Mungu

Rais Spencer W. Kimball alisema kwamba hadithi ya Yosia, inayopatikana katika 2 Wafalme 21–23, “ni mojawapo ya hadithi nzuri sana katika maandiko yote” (katika Njoo, Unifuate—Kwa Ajili ya Watu Binafsi na Familia: Agano la Kale 2022, 129).

Jinsi Mfalme Yosia Alivyopata Maandiko

Mfalme Yosia akiwaelekeza watu kubomoa sanamu

Mfalme Yosia Akitakasa Ardhi ya Sanamu, © Look and Learn / Bridgeman Images

Yosia alikuwa Mfalme wa Yuda alipokuwa na miaka minane tu. Alirithi ufalme wa watu ambao waliamini kwenye miungu ya uongo, lakini alitaka kumfuata Bwana. Katika mwaka wa nane wa utawala wake, aliagiza kwamba madhabahu na sanamu za miungu ya uongo itokomezwe katika Uyahudi yote.

watu wakisoma maandiko

Yosia, Mfalme wa Yuda, Anarejesha Utamaduni wa Kumwabudu Mungu katika Ufalme Wake, na mwanasanaa asiyejulikana, picha na Stefano Bianchetti / Bridgeman Images

Miaka kumi baadaye, aliwataka watu wake kurejesha hekalu huko Yerusalemu, ambako kuhani mkuu Hilkia alipata maandiko. Mfalme Yosia alipokisoma kitabu, alivuviwa kufuata mafundisho ya kitabu hicho. Kisha alikusanya watu wake na kuwasomea kitabu hicho.

Kwa muda mrefu, watu walikuwa wameshupaza mioyo yao dhidi ya Mungu. Lakini maandiko yalisaidia kugeuza mioyo ya watu kumrudia Mungu. Mfalme Yosia aliwaahidi watu kwamba atatembea katika njia za Bwana na kutii amri.

Mjadala

Ni maandiko gani yamekuwa na athari kwenye maisha yako? Ni mistari ipi ungeweza kuisoma leo ili ikutie moyo?

Maandiko ya Agano la Kale kwa ajili ya Matukio Maalum

Pale Unapo:

• Hisi mpweke:

  2 Wafalme 6:16

• Hitaji nguvu:

  Isaya 40:31

• Hisi hupendwi:

  Zaburi 130; Isaya 54:10

• Hisi hofu:

  Zaburi 27:1; Isaya 41:10

• Sahau wewe ni nani:

  Mwanzo 1:26–27

• Taka kuhisi karibu zaidi na Mwokozi:

  Isaya 53:3–5

Vidokezo kwa ajili ya Kujifunza Maandiko

• Husisha maombi kama sehemu yako ya kusoma maandiko. Mwombe Baba wa Mbinguni akubariki na Roho Mtakatifu ili uhisi amani na uvuvio.

• Soma kwa nia ya kuimarisha imani yako katika Yesu Kristo.

• Soma kwa nia ya kuyatumia maandiko kwenye maisha yako mwenyewe. Jiulize, ni kitu gani Bwana hujaribu kunifundisha katika maandiko haya?

• Chukua muda kutafakari Jaribu kutoharakisha muda wako wa kusoma.

• Omba Usaidizi. Kusoma pamoja na mwenzi wako, rafiki au unayekaa naye chumba kimoja kunaweza kupelekea majadiliano mazuri na kukusaidi kukumbuka kusoma kila siku.

Unaweza kutazama maisha ya Mfalme Yosia katika video iliyozalishwa na Kanisa, “Josiah and the Book of the Law,” kwenye ChurchofJesusChrist.org.