5 ka Kamatuoran Mahitungod ni Ester

1. Si Ester usa ka ilo.

Si Ester usa ka Judio, ug sa dihang namatay ang iyang mga ginikanan, gipadako siya sa iyang ig-agaw, si Mardoqueo, kinsa usa usab ka Judio (tan-awa sa Ester 2:7).

2. Si Ester nagpuyo sa Persia.

Si Ester nagpuyo didto sa Shushan, Persia (bag-ong Iran), sobra sa 100 ka tuig human ang mga Judio gihimong bihag ngadto sa Babilonia.

3. Si Ester kinahanglan nga mosekreto sa iyang pagka Judio.

Sa hangyo ni Mardoqueo, si Ester wala mobutyag sa iyang pagka Judio ngadto ni bisan kinsa. Iyang gitipigan ang iyang pagkatawo nga usa ka sekreto, bisan pagkahuman nga nahimo siyang rayna. (Tan-awa sa Ester 2:10, 20.)

4. Si Ester mirisgo sa iyang kinabuhi aron luwason ang iyang katawhan.

Niadtong panahon ni Ester, ang mga hari kanunay nga namiligro sa pagpatay. Busa, alang sa proteksiyon sa hari, gisunod ang kustombre nga walay usa ka tawo nga moduol sa hari kon wala niya dapita. Mao nga si Ester mirisgo sa iyang kinabuhi dihang miadto siya sa hari aron sa pagdapit kaniya ngadto sa usa ka salosalo diin iyang gibutyag ang laraw ni Haman sa pagpatay sa mga Judio (tan-awa sa Ester 5; 7).

5. Si Ester adunay hugot nga pagtuo sa Dios.

Si Ester mihangyo nga ang tanang mga Judio didto sa Shushan magpuasa sulod sa tulo ka adlaw sa dili pa siya moadto sa hari (tan-awa sa Ester 4:16). Tungod sa kaisog ni Ester ug sa mga panalangin sa Ginoo, ang mga Judio naluwas.