“Ikaw Wala Gayod Mag-inusara,” Liahona, Hulyo 2022.
Dali, Sunod Kanako
Ikaw Wala Gayod Mag-inusara
Mibati ka ba sukad nga nag-inusara o nahadlok sa unsay umaabot? Ang sulugoon ni propetang Eliseo mibati usab niining paagiha sa dihang siya nakakita sa nagkabayo nga mga kasundalohan sa Siria ug mga karwahe nga nagpalibot sa Dotan, ang dakbayan nga gipuy-an ni Eliseo.
Mga paghulagway pinaagi ni Denis Freitas
Sa kahadlok ang sulugoon nangutana ngadto ni Eliseo, “Unsa may atong buhaton (2 Mga Hari 6:15).
Sa hugot nga pagtuo,si Eliseo mitubag, “Ayaw kahadlok: kay sila nga ania uban kanato labing daghan kay kanila nga anaa kanila” (bersikulo 16). Pagkahuman si Eliseo nag-ampo aron ang Ginoo mobukas sa mga mata sa iyang sulugoon, ang sulugoon nakakita og “mga kabayo ug mga karwahi nga kalayo nga naglibot kang Eliseo” (bersikulo 17).
“Tingali dunay mga higayon nga kamo, sama sa sulugoon, nakigbisog sa inyong kaugalingon aron makakita kon sa unsa nga paagi naglihok ang Dios sa inyong kinabuhi—sa mga higayon nga kamo mobati nga giataki—sa higayon nga ang mga pagsulay sa pagka-mortal makapaluhod ninyo. Paghulat ug salig sa Dios ug sa Iyang tayming, tungod kay makasalig kamo sa Iyang kasingkasing nganha kaninyo. … Kamo, usab, makaampo nga ablihan sa Ginoo ang inyong mga mata aron sa pagtan-aw sa mga butang nga dili ninyo normal nga makita” (Michelle D. Craig, “Mata aron sa Pagtan-aw,” Liahona, Nob. 2020, 15).
Mahimong kita dili makakita kanila, apan ang Ginoo ug ang Iyang mga kasundalohan nga mga anghel nanaglibot kanato (tan-awa sa Doktrina ug mga Pakigsaad 84:88). “Kon ang Dios dapig kanato, kinsa pa man ang batok kanato?” (Mga Taga-Roma 8:31).