Հզոր օրինակ ծնողավարության համար

սեպտեմբեր 2022

«Հզոր օրինակ ծնողավարության համար», Լիահոնա, սեպտեմբեր 2022:

Հզոր օրինակ ծնողավարության համար

Հեղինակներ՝ Մարեն Դեյնս, Իրավագիտության Դոկտոր, Ընտանիքի համաշխարհային քաղաքականության և ծրագրերի մշակման մասնագետ, և Գ. Շելդոն Մարտին, Բ.Գ.Թ. կլինիկական հոգեկան առողջության հավաստագրված խորհրդատու

Հիմնվելով ավետարանի սկզբունքների և աջակցող հետազոտությունների վրա՝ ծնողավարության այս օրինակը կարող է օգնել ձեզ ստեղծել իմաստալի հարաբերություններ, սնուցել հավատքն ու աճը, ինչպես նաև միասնություն և կայունություն ստեղծել ձեր ընտանիքում:

Նկար

հայրը կարդում է սուրբ գրությունները իր դստեր հետ

Ծնող լինելն ունի հավերժական նպատակ և կարող է լինել օգտակար, ուսանելի և ուրախալի: Բայց քանի որ ընտանիքները լինում են տարբեր ձևերի ու չափերի և բախվում են իրենց յուրահատուկ մարտահրավերներին, երեխաների դաստիարակությունը երբեմն կարող է նաև ճնշող կամ հոգնեցնող թվալ:

Բարեբախտաբար, մենք ստիպված չենք անել դա միայնակ:

Մեր Երկնային Հոր առաջնորդությամբ, Փրկիչի և Նրա ավետարանի աջակցությամբ ու ոգեշնչված խորհուրդը աղոթքով կիրառելով՝ մենք կարող ենք օգնություն և հույս գտնել մեր ծնողավարության ուղու համար:

Ավետարանի կողմից աջակցվող օրինակ ծնողավարության համար

Ելնելով Հիսուս Քրիստոսի ավետարանից և աջակցելով ծնողավարության վերաբերյալ հետազոտություններին՝ մենք բացահայտել ենք երեխայի հուզական և հոգևոր զարգացումը խթանող երեք առաջնորդող սկզբունքներ: Երբ միավորվում են, այս փոխկապակցված շեշտադրման ոլորտները ստեղծում են հզոր օրինակ, որը կարող է օգնել ընտանիքներին ամբողջ աշխարհում:

Այս օրինակը հզոր է, քանի որ այն ավետարանի ճշմարտությունները համատեղում է ծնողավարության և երեխաների զարգացման հետազոտությունների հիմնական հասկացությունների հետ: Փնտրելով անձնական հայտնություն այն մասին, թե ինչպես կիրառել այս օրինակի սկզբունքները, կարող եք օգնել ձեզ կառուցել ձեր ընտանիքի կայունությունը և ստեղծել տուն՝ կենտրոնացած Հիսուս Քրիստոսի վրա:

Երեք առաջնորդող սկզբունքներն են՝

Ստեղծեք սիրալիր ընտանեկան հարաբերություններ
Խթանեք ուսումն ու աճը
Ծառայության միջոցով կառուցեք միասնություն և ուժ

Այս օրինակն օգնում է մեզ կենտրոնանալ այն խնդիրների վրա, որոնք ամենից կարևորն են: Օրինակի յուրաքանչյուր մաս կարևոր բաղադրիչ է, որն ամրացնում է մեր ընտանիքները: Միասին աշխատելով՝ նրանք խրախուսում են դրական հարաբերությունները և փորձառությունները, օգնում են մեր ընտանիքներին հաղթահարել դժվարությունները և զարգացնել կարողություններ ու կայունություն:

Երբ մենք աճում ենք որպես ծնողներ, այս օրինակը կարող է ծառայել որպես օգտակար շրջանակ՝ բացահայտելու, թե ինչպես լավագույնս սովորեցնել և դաստիարակել յուրաքանչյուր երեխայի:

Ստորև բերված է օրինակի յուրաքանչյուր մասի համառոտ ակնարկը, և մի օրինակ Փրկիչի կյանքից, որոնք կառաջնորդեն մեզ այս օրինակը մեր կյանքում կիրառելու հարցում: Ծնողավարության մասին ավելի շատ տեղեկություններ, գործնական խորհուրդներ և ծնողավարության ընդհանուր հարցերի պատասխաններ հասանելի են այստեղ՝ family.ChurchofJesusChrist.org:

1․ Ստեղծեք սիրալիր ընտանեկան հարաբերություններ

Այս սկզբունքը հիշեցնում է մեզ առաջնահերթություն տալ սիրառատ հարաբերություններին՝ Երկնային Հոր, Փրկիչի, մեր ամուսնու/կնոջ և մեր երեխաների հետ: Այս ընտանեկան հարաբերությունները շատ կարևոր են: Մեր զավակների հավերժական ինքնությունը և հարաբերությունները բխում են այն հիմնարար ճշմարտությունից, որ «յուրաքանչյուրը երկնային ծնողների կողմից սիրված հոգևոր որդին կամ դուստրն է, և, որպես այդպիսին, յուրաքանչյուր ոք ունի աստվածային բնույթ և ճակատագիր»։¹

Մենք կարող ենք խրախուսել նրանց ճանաչել Աստծուն և Հիսուս Քրիստոսին հավատքի, աղոթքի, սուրբ գրությունների ուսումնասիրության և Սուրբ Հոգուց անձնական հայտնության միջոցով (տես Հովհաննես 17.3): Մենք կարող ենք հավատք զարգացնել՝ օգնելով մեր երեխաներին «ցանկանալ հավատալ» (Ալմա 32.27) և զգալ Աստծո սերը: Մեր երեխաների համար կարևոր է գիտակցել, որ Երկնային Հայրը և Փրկիչը լիովին հասկանում են իրենց, կատարելապես սիրում են և ցանկանում են օգնել իրենց հաջողության հասնել (տես Հռովմայեցիս 8.38–39):²

Որպես ծնողներ՝ կարևոր է յուրաքանչյուր երեխայի հետ ստեղծել սիրալիր հարաբերություններ, որոնք լցված են ջերմությամբ և կարեկցանքով: Հասկանալով մեր երեխաների տեսակետները և հարգանքով լսելով նրանց ասածները՝ ստեղծում ենք ապահով և սիրառատ հարաբերություններ: Մեր երեխաները պետք է իմանան, որ մենք հետաքրքրված ենք իրենցով, մտածում ենք, թե ինչ են զգում, և պատրաստ ենք օգնել նրանց: Մեր երեխաների հետ մեր հոգատար փոխհարաբերությունները օգնում են նրանց դրական տեսակետ զարգացնել իրենց մասին, ճանաչել իրենց հավերժական արժեքը և վստահելի հարաբերություններ ձևավորել Աստծո և Հիսուս Քրիստոսի հետ:

Բացի այդ, ընտանիքի անդամները կարող են հսկայական աջակցություն ցուցաբերել միմյանց: Մենք կարող ենք նպաստել ընտանեկան հարաբերություններին, երբ հավաքվում ենք՝ միասին հաղորդակցվելու, աղոթելու, խորհուրդ տալու և զվարճանալու համար:

Նայեք Քրիստոսին

Հիսուս Քրիստոսը մեկ առ մեկ կիսում է Իր սերը այնպիսի հարաբերությունների միջոցով, որն առաջարկում է պատկանելություն, հույս և բժշկում: Երբ Փրկիչն ավարտեց խոսակցությունը նեփիացիների հետ, Նա կարեկցանքով ձեռք մեկնեց և անձամբ ծառայեց՝ յուրաքանչյուրին բուժելու և օրհնելու համար: Նա սիրով «վերցրեց նրանց փոքր երեխաներին, մեկ առ մեկ, և օրհնեց նրանց, և նրանց համար աղոթեց Հորը» (3 Նեփի 17.21):

Դուք՝ որպես ծնող, կարող եք օրհնել ձեր երեխաներին՝ ստեղծելով նրանց հետ սիրալիր փոխհարաբերություններ՝ ամեն անգամ մեկ իմաստալի կապ:

Գաղափարներ սիրալիր ընտանեկան հարաբերություններ ստեղծելու համար

Շփվեք ձեր երեխաների հետ՝ ուշադիր լսելով, սիրով արձագանքելով և հետևելով նրանց հուշումներին՝ նրանց կարիքները հոգալու համար:
Սնուցեք հավատքը Երկնային Հոր և Հիսուս Քրիստոսի հանդեպ և խրախուսեք աղոթքն ու անձնական հայտնությունը՝ այդ աստվածային հարաբերություններն ամրապնդելու համար:
Հոգ տարեք ձեր և ձեր ամուսնության մասին: Սա կօգնի ձեզ ավելի լավ կապ հաստատել ձեր երեխաների հետ, և ձեր կողակցի հետ՝ որպես հավասար գործընկերներ, միասնության ու սիրո մեջ դաստիարակել նրանց: Եթե ամուրի եք, առաջնորդեք ձեր ընտանիքին հավատքով և վստահությամբ: Լրացուցիչ աջակցություն փնտրեք նրանցից, ում վստահում եք:
Խթանեք անվտանգությունը, պատկանելությունը և ուրախությունը ձեր տանը:

2. Խթանեք ուսումն ու աճը

Նկար

ծնողները խոսում են իրենց դստեր հետ

Նպաստեք ձեր երեխաների աճին՝ գնահատելով նրանց յուրահատուկ անհատականությունները, առաջարկելով նրանց անսասան սեր և աջակցելով նրանց ջանքերին: Բացահայտեք, թե որտեղ են գտնվում ձեր երեխաները իրենց զարգացման փուլում և հարմարեցրեք ձեր աջակցությունը նրանց հատուկ կարիքներին: Ձեր օրինակը, ցուցումները, առաջնորդությունը և խրախուսումը կենսական նշանակություն ունեն ձեր երեխայի կարողություններն ու վստահությունը զարգացնելու գործում: Եղեք հետաքրքրասեր և կարեկից, երբ ձեր երեխաները սովորում են փորձի միջոցով:

Խնամող ծնողները նաև խուսափում են չափից ավելի պահանջկոտ, շատ թույլատրող կամ արտոնող լինելուց: Պատշաճ սահմաններ, կանոնավոր ժամանակացույց և ողջամիտ ակնկալիքներ տրամադրելը կնպաստի ձեր երեխայի աճին: Մեր Երկնային Հոր նման ծնողները պետք է ավելի շատ կենտրոնանան իրենց երեխաների աճին նպաստելու, քան նրանց հարմարավետության վրա (տես 2 Նեփի 28.30, Վարդապետություն և Ուխտեր 50.24, 40):

Առաջնորդեք, ուղղորդեք և քայլեք ձեր երեխաների կողքին, երբ նրանք սովորեն հետևել Հիսուս Քրիստոսին:³ Սովորեցրեք նրանց, թե ինչպես դիմել Փրկիչին և ապավինել Նրա Քավությանը, որպեսզի օգնեք նրանց աճել: Ձեր օրինակից և սեփական փորձից ձեր երեխաները աստիճանաբար կբացահայտեն, որ «ամեն բան կարող ե[ն իրենց] զօրացնող Քրիստոսով» (Փիլիպպեցիս 4.13): Աճը և փոփոխությունը կարող են դժվար լինել և շատ փորձ պահանջել: Արդար, նպատակասլաց ծնողները ձգտում են իրենց երեխաներին սովորեցնել ոչ միայն ինչպես «քայլել ճշմարտության և լրջմտության ուղիներով» (Մոսիա 4.15), այլև ինչու պետք է այդպես վարվեն: Զարգացրեք նրանց հասկացողությունը և աջակցեք նրանց ազատ կամքի արդար օգտագործմանը յուրաքանչյուր նրանց քայլի հետ:

Նայիր Քրիստոսին

Հիսուս Քրիստոսը զորացնում է ձեր աճը՝ նայելով ձեր սրտի արդար ցանկություններին և օգնելով կատարել դրանք (տես Ա Թագավորաց 16.7, Ենովս 1.12): Տերը հարցրեց իր առաքյալներին. «Մեկ առ մեկ …: Ի՞նչ ես փափագում ինձանից»: (3 Նեփի 28․1, տես նաև 1 Նեփի 11․1-3): Այս հարցի շուրջ խորհրդածելով՝ կարող եք օգնել ձեզ բացահայտել և զարգացնել այն, ինչն ամենաշատն եք գնահատում: Մտածեք, թե Փրկիչն ինչպես ուսում և աճ դաստիարակեց Հարեդի եղբոր մեջ՝ հարգելով նրա ազատ կամքը և խնդրելով. «Ի՞նչ կկամենաս, որ ես անեմ» (Եթեր 2.23): Տերը աջակցեց նրան՝ տալով հատուկ հրահանգներ, երբ անհրաժեշտ էր, բայց նաև խրախուսելով նրան ինքնուրույն պարզել որոշ բաներ: Փրկիչը չի ստիպում կամ չի վերահսկում ձեզ, փոխարենը ուսուցանում և համոզում է ձեզ օգտագործել ձեր անհատական ազատ կամքը բարիքի համար (տես Վարդապետություն և Ուխտեր 58.26–28):

Խրախուսեք ձեր երեխաների աճը՝ աջակցելով նրանց սրտերի արդար ցանկություններին՝ ամեն անգամ մեկ խորաթափանց հարց:

Գաղափարներ ուսուցման և աճի խթանման համար

Ուղղեք ձեր երեխաներին դեպի Հիսուս Քրիստոսը և ուսուցանեք նրանց, թե ինչպես ձեռք բերել Նրա Քավության զորությունը:
Ընդօրինակեք Հիսուս Քրիստոսին՝ ապահովելով սեր, առաջնորդություն, աջակցություն և կարեկցանք, մինչ ձեր երեխաները սովորում են հետևել Նրան:
Զարգացրեք աճը՝ աջակցելով ձեր երեխայի հասկացողությանը, կարողություններին, ազատությանն ու վստահությանը:
Եկեք Քրիստոսի մոտ՝ սովորելով Նրա ավետարանը և միասին ապրելով նրանով, մինչ առաջ եք գնում ուխտի ճանապարհով:

3․ Ծառայության միջոցով կառուցեք միասնություն և ուժ

Նկար

ընտանիքը սնունդ է տանում մեկ այլ ընտանիքի

Փրկիչը ուսուցանեց Իր հետևորդներին՝ «Իրար սիրէք. ինչպէս ես ձեզ սիրեցի» (Հովհաննես 13.34): Երբ դուք մխիթարում եք, աջակցում և ծառայում եք միմյանց, դուք տարածում եք Քրիստոսի մաքուր սերը և ավելի շատ եք նմանվում Նրան: Աստված նաև շատ արժեքավոր հնարավորություններ է տալիս ձեր երեխաներին, որ սովորեն և աճեն՝ միանալով Նրա աշխատանքում և կատարելով ուրիշներին ծառայելու իրենց խոստումները (տես Մովսես 1.39, Մոսիա 18.7–11): Կիսվելով Քրիստոսի սիրով և ճառագելով Նրա լույսը՝ նրանք փոխում են իրենք իրենց և նրանց, ում ծառայում են:

Ձեր ընտանիքը նաև օգուտ է քաղում ծխին կամ ճյուղին պատկանելուց, որտեղ ձեր երեխաները տալիս և ստանում են սեր և աջակցություն: Հյուսելով ձեր սրտերը «միությամբ ու սիրով մեկը մյուսի հանդեպ» (Մոսիա 18.21)՝ ստեղծում եք աջակցող հարաբերությունների և դրական փորձառությունների ցանց, որոնք ամրացնում են ձեր ընտանիքը: Երբ ծառայում եք ուրիշներին Քրիստոսանման սիրով, դուք կարող եք օգնել կառուցել Սիոնը ձեր ընտանիքում և հասարակության մեջ՝ որպես ամբողջություն (տես Մովսես 7.18):

Սովորեցրեք երեխաներին, որ ծառայությունը կարող է լինել ամենօրյա գործողություն, այլ ոչ թե առանձին նախագիծ: Միմյանց ծառայելու ձգտումը կօգնի երեխաներին և երիտասարդներին կառուցել ավելի կայացած կյանք, երբ իրենց կարիքներից զատ տեսնեն ուրիշների կարիքները: Զարմանալի է, թե ինչպես է Սիոնի կառուցումը կառուցում Սիոնի ժողովուրդ:

Նայիր Քրիստոսին

Փրկիչը մեզանից յուրաքանչյուրին հրավիրեց սիրել և ծառայել ուրիշներին (տես Հովհաննես 13.34–35): Մեր Երկնային Հոր փրկության գործին մասնակցելը զորացնում և փոխում է մեզ: «[Իր] Հօր տանը» լինելը (Ղուկաս 2.49) այն աճի մասն էր, որը Հիսուսը ապրեց իր երիտասարդության տարիներին, քանի որ Նա «զարգանում էր իմաստութիւնով եւ հասակով, եւ շնորհքով՝ Աստուծոյ եւ մարդկանց մօտ» (Ղուկաս 2.52):

Ձեր ընտանիքը ներգրավվում է Աստծո փրկության և վեհացման գործում՝ ապրելով Հիսուս Քրիստոսի ավետարանով, հոգալով կարիքավորների մասին, հրավիրելով բոլորին ընդունել ավետարանը և միավորելով ընտանիքները հավերժության համար:⁴

Խթանեք ձեր երեխաների աճը՝ միավորվելով Աստծո «մեծ գործում» (Վարդապետություն և Ուխտեր 64.33)՝ ամեն անգամ կատարելով ծառայության մեկ սիրառատ արարք:

Ծառայության միջոցով միասնություն և ուժ կառուցելու գաղափարներ

Ցույց տվեք ձեր սերը Աստծո հանդեպ և ավելի լավ ճանաչեք Նրան՝ սիրելով ու ծառայելով Նրա զավակներին:
Սիրեք միմյանց՝ ծառայելով ձեզ շրջապատողներին և հոգալով կարիքավորների մասին:
Հավաքեք Իսրայելը՝ կիսվելով ավետարանով, ուսումնասիրելով ձեր ընտանիքի պատմությունը, ծառայելով տաճարում և օգնելով ուրիշներին կապել ու պահել սուրբ ուխտերը:
Կառուցեք միասնություն և հավաքական ուժ՝ առաջարկելով սեր, ստեղծելով պատկանելության զգացում և աջակցելով միմյանց:

Կիրառեք օրինակը ձեր տանը

Այս ուղղորդող սկզբունքները կարող են օգնել ձեզ ամեն օր կենտրոնանալ ծնողավարության վրա: Օրինակ՝ այսօր դուք կարող եք մտածել, թե ինչպես կարող եք նպատակադրված կերպով ստեղծել ավելի սիրառատ հարաբերություններ, խթանել ուսումը կամ կառուցել ուրիշներին: Այս օրինակի կիրառումը կարող է ուժեղացնել ավետարանի ուսուցումը, խթանել ձեր երեխայի անձնական աճը և խրախուսել ավելի պայծառ արտաքին կենտրոնացում, որը կբարձրացնի և կօրհնի ձեր ընտանիքը: Այս սկզբունքների կիրառումը կարող է նաև բարելավել ձեր տնակենտրոն Եկեղեցու նյութերի օգտագործումը, ինչպես օրինակ՝ Եկ, հետևիր ինձ ձեռնարկը և Երեխաների ու երիտասարդների ծրագիրը։

Այս օրինակի սկզբունքների կիրառման բազմաթիվ եղանակներ կան: Եղեք ճկուն և փնտրեք անձնական հայտնություն՝ դրանք ձեր ընտանիքի կարիքներին հարմարեցնելու համար: «Ստեղծել, խթանել, կառուցել» օրինակը չի պահանջում ավելին անել: Թեև կարող են լինել գործեր, որոնք դուք ոգեշնչված եք զգում ավելացնելու նրան, ինչն այժմ անում եք, օրինակը կոչված է օգնելու ձեզ առավելագույնս օգտագործել միասին անցկացրած ժամանակը:

Երբ դուք ինչ-որ բան եք անում սիրալիր հարաբերություններ ստեղծելու, ուսումն ու աճը խթանելու կամ ծառայության միջոցով միասնություն և ուժ կառուցելու համար, դուք ամուր հիմք եք դնում այն ամենի համար, ինչ անում եք ձեր տանը:

Լավ ծնողները վստահելի են, կատարյալ չեն

Կարևոր է հիշել, որ լավ ծնող լինելու համար պետք չէ կատարյալ լինել: Փոխարենը, ձգտեք ձեր երեխաների համար լինել սիրո և աջակցության հուսալի աղբյուր։ Ձեր երեխայի հետ հասարակ շփումները կարող են մեծ ազդեցություն ունենալ:

Երբ ծնողավարությունը հուսահատեցնում է, հիշեք, որ պետք է շնչեք, հանգստանաք և շարունակեք փորձել: Դուք կարող եք հավատքով առաջ շարժվել՝ իմանալով, որ Փրկիչը խորապես հոգ է տանում ձեր և ձեր երեխաների մասին և կբազմապատկի ձեր անկեղծ ջանքերն ու արդար ցանկությունները:

Հույս Քրիստոսում

Երբ դուք ձգտում եք անսասան լինել՝ ձեր ուժերի ներածին չափով անելով ամեն ինչ, որպեսզի սիրեք, դաստիարակեք և զորացնեք յուրաքանչյուր երեխայի՝ մեկ առ մեկ, դուք և ձեր ընտանիքը կարող եք հույս ունենալ Քրիստոսում՝ ձեզ տված Նրա հավերժական խոստման շնորհիվ (Վարդապետություն և Ուխտեր 50.41):