Եկ, հետևիր ինձ

Առակաց 1-4, 15-16

Ի՞նչ կարող ենք անել, որ «ականջ դնե[ն]ք իմաստութեանը»

մտածկոտ կին

Աշխարհում առկա այդքան շատ ապատեղեկատվությամբ հանդերձ, մեզ համար, գուցե, դժվար լինի տարբերակել այդ ամենը և գտնել հավերժական ճշմարտությունը: Երկնային Հայրը գիտի դա, և Նա գիտի, որ Իր զավակներից շատերը պատասխաններ են փնտրում: Բարեբախտաբար, կյանքի ամենադժվար հարցերի պատասխաններից շատերը կարելի է գտնել սուրբ գրություններում, գերագույն համաժողովի ելույթներում կամ անձնական հայտնության միջոցով: Երկնային Հայրը մեզ երբեք չի մոլորեցնի:

Միջոցառում

Առակներում մենք հաճախ կարդում ենք իմաստության մասին։ Կարդացեք գլուխներ 2 և 3-ը անհատապես կամ խմբով և նշեք հատվածներ, որոնք քննարկում են, թե մենք ինչպես ենք իմաստություն փնտրում: Օրինակ՝ Առակաց 1.5-ում ասվում է. «Թող լսէ իմաստունը եւ աւելացնէ ուսումը, եւ բանիմացը վարժութիւն ստանայ»:

Հոգու շշուկները

Նախագահ Ռասսել Մ. Նելսոն

«Եթե տեղեկատվության մեծ մասը ստանում եք սոցիալական լրատվամիջոցներից կամ այլ տեսալսողական նյութերից, ապա Հոգու շշուկները լսելու ձեր ունակությունը կնվազի: Եթե միևնույն ժամանակ ամենօրյա աղոթքի և ավետարանի ուսումնասիրության միջոցով դուք չեք փնտրում Տիրոջը, դուք ձեզ անպաշտպան եք թողնում այն փիլիսոփայությունների առջև, որոնք կարող են հետաքրքրաշարժ լինել, բայց ճշմարիտ չեն: Նույնիսկ այն Սրբերը, ովքեր, ընդհանուր առմամբ, հավատարիմ են, կարող են շեղվել «Բաբելոնի երգչախմբի» (աշխարհի ձայների) անընդհատ զարկերի ներքո»։

Ռասսել Մ. Նելսոն, «Ժամանակ տրամադրեք Տիրոջը», Լիահոնա, նոյեմբեր 2021, 120:

Քննարկում

Սուրբ գրությունները և գերագույն համաժողովը իմաստության մեծ աղբյուրներ են: Ե՞րբ է համաժողովի ելույթը կամ սուրբ գրությունը ուղղորդել ձեր կյանքը: Այն ինչպե՞ս ազդեց ձեզ վրա: