Njoo, Unifuate

Isaya 40–49

Je, Isaya Alifundisha Nini kuhusu Kuwa Mtumishi wa Bwana?

Bwana mara nyingi anawataja wafuasi Wake kama watumishi au mashahidi Wake. Maneno hayo yanapatikana kote kwenye maandiko, na kitabu cha Isaya hakina tofauti. Katika nyakati za Agano la Kale, kama vile leo, Bwana aliwapa watu fursa za kumhudumia Yeye na kuwa mashahidi Wake.

• Unaposoma Isaya sura ya 40–49, angalia nyakati ambapo Bwana anasema “mtumishi” au “shahidi.” Yeye anamrejelea nani? Angalia mistari ambayo inafundisha jinsi wewe unavyoweza kuwa shahidi kwa Bwana, kama vile Isaya 44:2.

  

  Joseph Smith Akihubiri, na Sam Lawlor © 2001

• Kisha, unaposoma sura ya 41–44, unaweza kufikiria ni mstari gani unaweza kutumika kwenye wito au utumishi wako. Bwana anakutaka wewe ufanye nini, na ni kwa namna gani Yeye atakusaidia wewe?

  

• Je, ni fursa gani wewe umepewa ili uwe mtumishi au shahidi wa Bwana? Mifano inaweza kuwa wito, misheni, kuifundisha familia yako, au huduma nyingine. Unaweza kuandika uzoefu huo katika shajara yako. Je, umejifunza nini kutokana na hivyo? Je, Bwana alikusaidiaje?

  

Sali ili Kujua Namna ya Kusaidia

“Sali kwa ajili ya kupata nafasi ya kukutana na watu ambao wanahisi kunaweza kuwa kitu bora zaidi katika maisha yao. Sali ili kujua unapaswa ufanye nini ili kuwasaidia. Sala zako zitajibiwa.

Rais Henry B. Eyring, Mshauri wa Pili katika Urais wa Kwanza, “Mtoto na Mfuasi,” Liahona, Mei 2003, 32.

Mjadala

Ni baraka za kimbingu zilizoje zijazo kwa wale walio watumishi waaminifu? (ona Isaya 41:10).