Njoo, Unifuate

Mithali 1–4; 15–16

Je, Tunaweza Kufanya Nini ili “Kuelekeza Sikio [Letu] kwenye Hekima”?

Pamoja na taarifa nyingi zisizo sahihi ulimwenguni, inaweza kuwa vigumu kuzichambua zote na kupata ukweli wa milele. Baba wa Mbinguni analijua hili, na Yeye anajua kwamba wengi wa watoto Wake wanatafuta majibu. Kwa shukrani, mengi ya majibu kwa maswali magumu zaidi juu ya maisha yanaweza kupatikana katika maandiko, hotuba za mkutano mkuu, au kwa njia ya ufunuo binafsi. Baba wa Mbinguni katu hawezi kutupoteza sisi.

Shughuli

Katika Mithali, mara kwa mara tunasoma kuhusu hekima. Soma sura ya 2 na 3 kibinafsi au kama kikundi na muitambue mistari ambayo inajadili jinsi tunavyotafuta hekima. Kwa mfano, Mithali 1:5 inasema, “mwenye hekima asikie, na kuongezewa elimu; na mwenye ufahamu ayafikie mashauri yenye njia.”

Minong’ono ya Roho

“Ikiwa wingi wa taarifa unazopata zinatoka kwenye mitandao ya kijamii au mingine, uwezo wako wa kusikia minong’ono ya Roho utapungua. Ikiwa pia humtafuti Bwana kupitia sala na usomaji wa injili kila siku, unajiachia na kuwa muathiriwa wa falsafa ambazo zinaweza kuwa za kuvutia lakini si za kweli. Hata Watakatifu ambao pengine ni waaminifu wanaweza kuvutiwa na mdundo wa mara kwa mara wa bendi ya Babeli.

Rais Russell M. Nelson, “Tenga Muda Kwa Ajili ya Bwana,” Liahona, Nov. 2021, 120.

Mjadala

Maandiko na hotuba za mkutano mkuu ni vyanzo vikuu vya hekima. Je, Ni lini hotuba ya mkutano mkuu au maandiko yameongoza maisha yako? Je, Ilikugusaje?