“Juon Jikin Kone jān Ļan̄,” Liaona, M̧aaj. 2023.
Ruwainenetokn̄an Bok In
Juon Jikin Kone jān Ļan̄
Pija jān Getty Image ko
Kwonan̄in ke kar jijet ium̧win juon em̧ ilo iien an wōt? Ilo an dān eo wōtlo̧ktok, ej no bōro̧o̧j eo im kōm̧m̧an am̧ jab im kajakoikļo̧k ainikien ko jet kōn an ļap ainikien. Ekōjkan am̧ kajjieon̄ bwe kwon jab tutu ilo iien an kajoor ļan̄ ko? Kajoor eo an ad Rilo̧mo̧o̧r im an pād rej āinwōt im̧ōn kone eo.
Bok in an Liaona eo ej pedped ioon ekōjkan an Jisōs Kraist bōktok aenōm̧m̧an ilo ļan̄ ko an mour. Jejjab maron̄ joļo̧k mālijjon̄ ko im apan̄ ko. Ak āinwōt juon jikin kone ilo an kōm̧m̧an bwe jen jab tutu ilo iien wōt, ilo ad karuwaineneiktok Jisōs Kraist bwe en itok ippād ilo iaļ in ad, E enaaj jipan̄ kōj lo aenōm̧man ilo iien ļan̄ ko. Ij kajjitōk ippāmi n̄an riiti bwebwenato eo an Elder Dieter F. Uchtdorf “Aō Aenōm̧m̧an Ij Lewōj n̄an Kom̧” (peij 4). Ej katakin, “Jisōs Kraist, eo ej peek men otemjelo̧k, emaron̄ bar kōmeraikļo̧k eddodo ko ad” im “Aenōm̧m̧an eo aikuji eban bōk jān būruwōd, men̄e jemaron̄ en̄taan, būrom̧ōj, n̄an kattar Irooj.”
Em̧ōj aō bar ioon “ļan̄ ko” ilo mour eo aō. Mālijjon̄ kein raar katakin eō bwe Jisōs Kraist ej unjen jipan̄ im aenōm̧m̧an eo wōt aitok kitien. Ilo aō kwaļo̧k ilo ennaan eo aō “Jerkak ilo Kajoor” (peij 40), ad Rilo̧mo̧o̧r emaron̄ im enaaj itok ippād ilo iaļ in ad ļo̧k n̄an kapijuknen. Ej pād ippād ilo ad kattar kōjeraam̧m̧an ko ekar kallim̧ur. Im eban rum̧wij bwe En jipan̄ kōj. Ej iakwe eok. Ij jar bwe kwonaaj kōtļo̧k bwe E en am̧ jikin jokne im jikin kōjparok jekdo̧o̧n ta eo kwoj jelm̧ae.
Kōn Iakwe,
Bonnie H. Cordon
Būreejtōn eo Eutiej an Doulul eo an Jiron̄ ro