“Aolep Men Renaaj Em̧m̧an,” Liaona, Maj. 2023.
Ainikien ko an Armej ro Rekwojarjar ilo Raan Ko Āliktata
Aolep Men Renaaj Em̧m̧an
Awa ko rekar āinwōt ejjeļo̧k jem̧ļo̧kier m̧ae juon iaan rim̧wijm̧wij ro ekar itok ippān jinō ej pād ilo ruum̧ in kōttar eo.
Pija in Russell M. Nelson jān Eldon K. Linschoten
Ilo 1980 ko, jema, eo ekar en̄taan kōn nan̄inmej in menono, ekar m̧wijm̧wij menono me kōm kar kōjatdikdik enaaj kar kaitok kitien an mour.
Ilo iien eo, kein jerbal eo rim̧wijm̧wij ro raar kōjerbal ekar kāāltok n̄an Uruguay. Rim̧wijm̧wij ro raar bōk jikin aortic valve eo kōn juon artificial valve. Āliktata, kōm̧adm̧ōd eo ekar bun̄bun̄ im ekar lo̧mo̧o̧ren elōn̄ mour ko.
Kōnke m̧wijm̧wij eo ekar koba kōm̧adm̧ōd in m̧wijm̧wij ko rekāāl wōt, jejjo ritijem̧ļo̧k taktō in menono raar kobatok, lale kōm̧adm̧ōd eo. Ilo an rim̧wijm̧wij ro kōm̧adm̧ōd, jinō ekar jijōt ilo an inepata ilo ruum̧ in kōttar eo. Awa ko rekar āinwōt ejjeļo̧k jem̧ļo̧kier.
Kom̧ro kar m̧ōņōņō kōm kar ron̄ ke kōm̧adm̧ōd eo ekar juon eo ewejepedik an dedeļo̧k. Ilo aer diwōjtok jen ruum̧ in m̧wijm̧wij eo, juon iaan rim̧wijm̧wij ro kar kōjenoļo̧k e jān rim̧wijm̧wij ro jet im kar etal n̄an ruum̧ in kōttar eo. Ekar juon iaan rim̧wijm̧wij ro ekar itok n̄an Uruguay n̄an bōk eddo in m̧wijm̧wij eo.
Eaar jibadōktok jinō, kar bōjrak, im kar jibwe aeran ilo kwaļok. Innām, kalimjek mejen, ekar ba, “aolep men renaaj em̧m̧an.”
Rim̧wijm̧wij eo ekar m̧ool. Jema ekar bar mour im̧win 24 iiō ko, jerbal n̄an Irooj kōn aolepen būruwōn—kiiō ājmour—m̧ae iien raan eo āliktata ilo mour eo an.
Ilo kweilo̧k eo eļap an Kabun̄ in ej kab m̧ōj, jinō ekar keememej loļo̧k in ejenoļo̧k elōn̄ iiō ko rem̧ootļo̧k. Ilo m̧ool, liin kar kakeememej e aolep bwe riloļo̧k rim̧wijm̧wij eo—Būreejtōn Russell M. Nelson—ej kōnono n̄an Armej ro Rekwojarjar.
Aolep rikanaan ro an Irooj raorōk ippād ilo elōn̄ wāween. Jet iaer raorōk kōnke raar jerbal āinwōt Būreejtōn ro an Kabun̄ in ke jekar dik. Jet iaer raorōk kōnke raar jerbal āinwōt Būreejtōn eo an Kabun̄ in ke jekar peptaij. N̄an jinō im n̄a, Būreejtōn Nelson ej aorōk kōnke ejeļā bwe aolep kōm̧admōd in taktō reļļap rej un̄ur wōt rinan̄inmej eo, ak barāinwōt ro rejitōnbōro an rinan̄inmej eo. Ejeļā bwe ro uwaan baam̧le eo rej aikuj naan in kōketak ko, kōkajoor, im kam̧ool n̄e ājmour ak mour an juon eo ejitōnbōro ej pād ilo kauwōtata.
Kōm naaj aolep iien kam̧m̧oolol kōn naan ko an Būreejtōn Nelson jem̧aan ilo Uruguay im kōn mour in jerbal eo an n̄an Jemedwōj Ilan̄ im ro nejin Jemedwōj Ilan̄.