“Ta Meļeļein n̄an Kūr jān Irooj?,” Liaona, Maj. 2023.
Itok, Ļoor Eō
Ta Meļeļein n̄an Kūr jān Irooj?
Ilo Matu 10, Rilo̧mo̧o̧r eo ej kapit Rijilōk ro An Jon̄oulruo, leļo̧k n̄an er kajoor, mālim, im jeļāļo̧kjeņ n̄an jino kwaļo̧k gospel eo An im kajutak Kabun̄ eo An. Ej ej barāinwōt kallim̧uri er kajoor n̄an kōmour, kajutakļo̧k tim̧ōn ko, im kōnono kōn mālim (lale eoon 1, 20). Ilo am riiti Matu 10 kōn an Irooj kepooj Rijilōk ro n̄an kūr ko aer, ļōmņake kōn ekōjkan an Irooj kar kepooj eok n̄an jerbal in jipan̄ eo am̧ ilo Kabun̄ in.
Kapilōk eo jān Irooj
Irooj eaar barāinwōt leļo̧k n̄an Rijilōk ro jet naan in kōmeļeļe ko raorōk me renaaj kar jipan̄ im rie er ilo jerbal in karejar eo aer. Eļap wōt iaan kapilōk in emaron̄ barāinwōt jerbal n̄an kōj ilo jerbal in jipan̄ eo ad. Ilo am riiti eoon kein rej ellaajrak ilo Matu 10, keememej naan in kōmeļeļe ko im kūr ko me Irooj eaar leļo̧k n̄an er.
-
Eoon 8:
____________________
-
Eoon 19:
____________________
-
Eoon ko 29–31:
____________________
-
Eoon 39:
____________________
Ke kwaar kūr n̄an jerbal ilo Kabun̄ in, Irooj enaaj jipan̄ eok kōm̧m̧ane jerbal eo An. E enaaj kōjeraam̧m̧an eok kōn en̄jake ko, naan in kōmeļeļe ko, im revelesōn. Naaj kōjenolo̧k eok im kwonaaj bōk mālim jān Anij n̄an kakūrm̧ool kūr eo am̧.
Kwomaron̄ ekkatak eļapļo̧k kōn eddo ko an kūr eo am̧ ilo Bok in Bōk Meļeļe eo ilo ChurchofJesusChrist.org.