Ekōjkan an Rilo̧mo̧o̧r eo Maron̄ Jipan̄ Eō?

Pija

em̧m̧aan eo ej bukwelōlō im̧aan mejān Jisōs

Kōmour Rilōba ro, jān W. Paget © Providence Collection / licensed jān Goodsalt.com

Jisōs Kraist “etetal im kōm̧m̧an em̧m̧an” (Jerbal 10:38): E ekar kōmour rilōba ro (lale Matu 8:2–3). E ekar kōmour rijerbal eo an karpeneum, eo ekar jab erreeo ak kar tōmak bwe Rilo̧mo̧o̧r enaaj jipan̄ e (lale Matu 8:5–13). E ekar leļo̧k n̄an rikaļoor ro An aenōm̧m̧an ilo juon iien ļan̄ (lale Matu 8:23–27). Ke Ekar lo kōrā eo ekar liaajlaļ kōn mej eo an ļaddik eo emake wōt nejin, E ekar kaenōm̧m̧an e im leļo̧k n̄an e kōjatdikdik, innām kōjerkak ļaddik eo nejin jen mej (lale Luk 7:11–15).

M̧akūtkūt

Jemaron̄ en̄jake kajoor eo an Rilo̧mo̧o̧r rainin n̄e jej kōjerbal tōmak ilo E. Riiti juon iaan bwebwenato ko jān Itok, Ļoor Eō an wiik in. Keememej ekōjkan an kar Rilo̧mo̧o̧r leļo̧k jipan̄ im tōmak n̄an armej ro.

Kōļmenļo̧kjeņ ak kōnono kōn kajjitōk kein ilaļ n̄an ļōmņak kōn ekōjkan an Rilo̧mo̧o̧r eo kar jipan̄ eok ilo mour eo am̧:

N̄āāt eo ikar likūt tōmak eo aō ilo Rilo̧mo̧o̧r eo im kar en̄jake An kemour ilo (en̄jake, kōļmenļo̧kjeņ, jetōb, ak ānbwin)?
N̄āāt eo iaar en̄jake aenōm̧m̧an eo An?
N̄āāt eo iaar bōk jipan̄ eo jab jeļā kake jān Rilo̧mo̧o̧r?
N̄āāt eo iaar lo Pein kōn menin bwilōn̄ ak tiriam̧o?
Ilo mour eo aō kiiō, elmen aō kōkajoorļo̧k tōmak eo aō ilo E im bōk An jipan̄?