“Manit in Kallib ko an RiJu,” Liaona, Mar. 2023.
Manit in Kallib ko an RiJu
Lazerōs, Marta, im Meri rekar jeim-jein-jati ro rekar jokwe ilo jikin kweiļo̧k Bethany. Raar ro m̧ōttan Rilo̧mo̧o̧r eo, im Ekar loļo̧k er ilo elōn̄ iien ko. Ilo juon iien ilo jerbal in karejar eo An, Jisōs ekar em̧akūt jen Judea, ijo Bethany ekar pād ie, kōnke Riju ro ilo jikin eo rekar kōņaan m̧an E (lale Jon 10:39–40). Ke Jisōs ekar jako, Lazerōs ekar nan̄inmej, im mej, im kar kalbwini ekkar n̄an m̧anit eo an Riju (lale Jon 11:1–17
Erkein rej jet iaan m̧anit ko āinwōt renaaj kar ļoori ilo mej im kallib eo an lazerōs.
Ālkin an armej eo mej, mejān ļeo ak liio raar kilōk. Ānbwin eo kar kwaļe kōn toļaj ko ko āinwōt nard, myrrh, im aloe (lale Luk 23:56; Jon 19:38–40).
Kōmeļeļe ko jān Noah Regan
Āinbwin eo kar kitimi ilo nuknuk im bōkļo̧k n̄an m̧weeo im̧ōn baam̧le eo, ijo nukun ko im ro riturier maron̄ loļo̧k (lale Jerbal 9:37).
Ekkā an ilowaan wōt ruwalitōk awa in mej, ānbwin eo kar ineeke n̄an lōb eo ilo juon nuknuk bwe aolep rilotok ren maron̄ lo ānbwin eo (lale Luk 7: 12–14). Kōrā ro raar tōl taļ eo. Ro uwaan baam̧le eo rej potake nuknuk ko aer āinwōt juon kakōļļe in būrom̧ōj.
Jet lōb raar ļōmi n̄an dekā (lale Matu 27:58–60). Lōb ko ekar wōr peļļo̧k ko reddik bwe armej ro ren badikdik n̄an deļo̧n̄.
Ānbwin eo kar kōbabuki ioon juon jea aitok kōm̧man jān dekā. Lōb eo ekar kalbubuik kōn juon dekā edoulul n̄an bōbrae riko̧o̧t ak mennin mour ko jān aer deļo̧n̄.1
Ālkin an Jisōs kar kōjerkak Lazerōs jān mej, rikaļoor ro An ekar wōr juon aer un ekajoor n̄an kōjatdikdik ijello̧kin būrom̧ōj kōn eo ejitōnbōro ejako. Rejjab maron̄ kar kaarmejete, kōnke kōn Jisōs Kraist, “lōb en kar ejjeļo̧k an anjo̧, im bwe mej en kar ejjeļo̧k an kein ire” (Mosaia 16:7).