N̄an Pāāren ro

Lōke Kajoor eo an Irooj im Rikanaan ro

Pija jān Ravell Call, Deseret News

Ro Jinen im Jemen Rejitōnbōro,

Ilo an laļin ad ļapļok an oktak, emaron̄ in pidodo n̄an en̄jake mijak im ebweer. Ak n̄e jenaaj jepļaakļo̧k n̄an ippān Jisōs Kraist kōn aenōm̧m̧an, E enaaj bōktok n̄an kōj aenōm̧m̧an jen lan̄ ko an mour in. Riiti bwebwenato ko ilo bok in im lale elmen an Rilo̧mo̧o̧r eo maron̄ jipan̄ eo dipuk apan̄ ko.

Ekkōnono ko kōn Gospel in

Rilo̧mo̧o̧r eo Epojak in Letok Aenōm̧m̧an ilo Iien Inepata ko

Ippān baam̧le eo am̧, riiti enaan eo jān Elder Uchtdorf ilo peij 4 kōn ekōjkan lōke ilo kajoor in kōmaron̄ eo an Kraist maron̄ letok aenōm̧m̧an ilo jekjek ko reppen. Kōnono ippān doon kōn jet wāween ko me Jisōs ej leļo̧k jipan̄. Ta eo komaron̄ kōm̧m̧ane n̄an karuwaineneiktok An kajoor n̄an mour eo am̧?

Ekōjkan an Priesthood eo Kōjeraam̧m̧an Baam̧le eo Ad?

Riiti enaan in ilo peij 22 kōn kōjeraam̧m̧an ko an priesthood. Kajjitōk ippān ro uwaan baam̧le eo n̄an kwaļo̧k iien eo raar bōk juon kōjeraam̧m̧an an priesthood. Eļmen aer kar en̄jake? Elmen an kar kōjeraam̧m̧an eo jipan̄ er? Ewōr ke juon kōjeraam̧m̧an me emaron̄ jipan̄ juon uwaan baam̧le eo kiiō?

Irooj ej Kōjerbal Rikanaan eo An n̄an Jipan̄ Kōj Bōk Peran

Ilo ennaan in ilo peij 30, Elder Sikahema ej kōnono kōn ewi wāween an kar ļoor katak ko an rikanaan ro kar jipan̄ e jutak pen ilo tōmak eo an im jon̄ak ko ilo tōre eo ekar juon rikkure in football etijem̧ļo̧k im ilo aolepen mour eo an. Ālkin riiti ennaan in, kwomaron̄ kōm̧m̧an bwe kajjojo ro uwaan baam̧le eo ren kwaļo̧k jidik ilo iien eo rekar loor rikanaan eo ekar jipan̄ er bōk peran.

Itok, Ļoor Eō Limo an Baam̧le

Eddōkļo̧k, Eddōkļo̧k, Kajjojo Raan

Āinwōt juon membōr in Kabun̄ eo an Jisōs Kraist, ej ad eddo n̄an jipan̄ kaddōkļo̧k aelōn̄ in kiin̄ eo an Anij ioon laļin. Matu 13:31–32 ej ba:

“Aelōn̄ in lañ ej āinwōt ine in mōstad, eo armej e ar bōke im ekkat ṇa ilo jikin kallib eo an:

“Eo e dik jān ine otemjej, a ke ej eddek ej ḷapḷọk jān mar otemjej, im āinwōt wōjke, innām bao in mejatoto rej kātem babu i ra ko raan.”

1. Jijōt ilo juon doulul im nokjōk jidik āinwōt juon ineen mōstad edik.

2. Kōm̧m̧an bwe aolep ren bōk kwoņaer kwaļo̧k juon ikkure rej kōm̧m̧ane aolep raan n̄an jipan̄ Kabun̄ in eddōk (kwaļo̧k naan in kam̧ool eo aer, kwaļo̧k juon eoon ilo social media, kwaļo̧k juon iaan m̧ool ko ilo gospel in n̄an eo m̧ōttam̧, etc.).

3. Kajjojo iien juon ej kōnono kōn juon m̧akūtkūt me ej jipan̄ Kabun̄ in eddōkļo̧k, aolep ren jutak jidik jepan wōt juon innām jino jutak m̧ae iien rej aolep jutak kankan.

4. Kōnono ippān baam̧le eo am etke aorōk bwe kajjojo armej ren kōm̧m̧ane ijo kwoņaan n̄an kaddōkļo̧k Kabun̄ in.

Kar jlikinļo̧k jān Brenda Slade

Jān N̄an Kōkajoorļo̧k Jodikdik ro Māākjiin

Bok in Jeje an Kweilo̧k eo Eļap

Kōjerbal kein jipan̄ in n̄an keppopo n̄an kweilo̧k eo eļap im pojak n̄an būki enaan ko ilo kweilo̧k eo.

Aenōm̧m̧an ilo Ļan̄ ko an Mour

Elder Uchtdorf ej kwaļo̧k elmen an Rilo̧mo̧o̧r eo maron̄ kalur lan̄ ko ilo mour ko ad im bōktok aenōm̧m̧an n̄an kōj.

Pojak n̄an Jerbale juon Mijen

Ilo an jodikdik ro keppopo n̄an jerbale juon mijen, errein jet iaan men ko raorōk remaron̄ lale.

Elmen an Rilo̧mo̧o̧r eo kar Kaorōk Kōrā ro.

Lale elmen an Rilo̧mo̧o̧r kar kwaļo̧k jouj im kautiej n̄an kōrā ro.

Jān eo Jera Māākjiin eo

Pojak n̄an Peptaij

Lali bwebweanto ko im m̧akūtkūt ko ilo allōn̄ in iloJera n̄an jipan̄ ajri ro nejum̧ ekkatak kōn peptaij im bujen ko aer m̧oktata.

Aenōm̧m̧an ilo Ļan̄ eo

Riiti juon bwebwenato ej waļo̧k jen jeje ko kōn an Jisōs kalur lan̄ ko. Innām ekkatak jān leddik eo jān Peru eo ekar lo aenōm̧m̧an ilo juon iien m̧akūtkūt in laļ.

Ļoore Jisōs ilo Kiribati

Ioon eo m̧ōttad Scott im ekkatak elmen an ļoor Jisōs. Innām riit eļapļo̧k kōn aelōn̄ in Kiribati.

N̄an Ro Jerar Reddik

Pukōt bwebwenato ko im m̧akūtkūt ko eļap tata n̄an ririit ro ad reddik, barāinwōt ilo ad ekkatak ej jipan̄ n̄an katakin pedpedin katak ko jān Itok, Ļoor Eō n̄an ajri ro reddik.