“Ļoor Waanjon̄ak eo an Kraist: Kea kōn ro Rej Pād ilo Aikuj,” Liaona, Maj 2023.
Ļoor Waanjon̄ak eo an Kraist: Kea kōn Ro Rej Pād ilo Aikuj
Jān jikin kōm̧m̧an m̧ōn̄ā ko n̄an jipan̄ ilo iien idin̄ n̄an jerbal in karejar, elōn̄ wāween ko jemaron̄ kwaļo̧k iakwe n̄an ro riturid.
I Will Believe[Inaaj Tōmak], jān Liz Lemon Swindle, maron̄ jab kapeiki
Āinwōt rikaļoor ro an Jisōs Kraist, membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata rej kajjieon̄ mour kake kien ko ruo reļļap n̄an iakwe Anij im n̄an iakwe ro rituriid (lale Matu 22:37–39). Ļoor kien kein ruo reļļap im waanjon̄ak eo an Jisōs Kraist ej ta eo ej tōl Kabun̄ in im membōr ro an kea kōn ro rej pād ilo aikuj.
Kōn menin ekōjkan an Kabun̄ in jipan̄ n̄an kea kōn ro rej pād ilo aikuj? Im ekōjkan an membōr ro maron̄ bōk koņaer ilo jerbal in eļap?
Wāween ko n̄an Jipan̄
Āinwōt membōr ro an Kabun̄ in, jej kajjieon̄ in pukot ro rej pād ilo aikuj im leļo̧k jipan̄ n̄an aolep ro nejin Anij jekdo̧o̧n armej ro, laļ, ak kabun̄.
Jen kea kake ro rej pād ilo aikuj ilo jabdwōt wāween, ekibuuj
-
Jitlo̧k im kōjerbal jortak in jitlo̧k ko.
-
Jerbal in karejar n̄an doon.
-
Būrookram̧ ko an un̄are peid make.
-
Global food, jeļāļo̧kjeņ, dān ko rerreeo, im būrookram̧ in taktō ko.
-
Jipan̄ ilo iien idin̄.
-
Būroojāāk in baļintier ko ilo jukjuk in pād eo.
Ilo an jet kijejeto ko an humanitarian ko an Kabun̄ in reļļap ilo jekjek in, jekdo̧o̧ņ kijejeto reddik maron̄ makeļok kōm̧m̧an juon jelet eļap. Erkein jet waanjon̄ak ko kōn ekōjkan an ro uwaan Kabun̄ in jipan̄ ro rej pād ilo aikuj.
Jinoe ilo Pāpode 2022, Armej ro Rekwojarjar ilo Raan Ko Āliktata, ilo Poland raar jipan̄ riatajinemjen ro kōn iaļ in itok itak, m̧ōn̄ā, im jikin kōppād.
Jerbal in Karejar ilo Iien Apan̄
RaeAnn im Sterling Jarvis—membōr ro an Kabun̄ in ilo Warsaw, Poland—kar jab jeļā ta eo n̄an kōtmene ke raar kāālet n̄an bōk eddo in riatajinemjen ro ilo m̧weo im̧wer. Ak raar m̧ōņōņō in jipan̄ ilo jabdewōt wāween remaron̄e.
Ālkin an jino kar tariņae eo ilo Europe, juon baam̧le ļalem uwaer jen Ukrain raar tōkeākļo̧k ilo kōjem eo aer ilo 1:00 a.m. Raar ito-itak emaron̄ 500 mail (800 km) n̄an kappukot aenōm̧m̧an. Jarvise ro raar karuwaineneik Maryna im Serhii Bovt im ajri ro jilu nejier n̄an m̧weeo im̧weer. Jen tōre eo raar kwaļo̧k iakwe im kea n̄an baam̧le eo an Bovt. “N̄e kwoj kwaļo̧k iakwe, ej eddōkļo̧k,” Maryna ekar ba kōn waanjon̄ak in jerbal in jipan̄ eo an Jarvise ro. “Ej kōm̧m̧an bwe kōmin epakeļo̧k doon im n̄an Irooj”
Āinwōt membōr ro an Kabun̄ in, kōmij kajjieon̄ in ļoor waanjon̄ak eo an Rilo̧mo̧o̧r kōn jerbal in karejar n̄an ro ipeļakim. Armej ro rejjab aikuj in ko jān pata ak kaen̄taanan n̄an aikuj jipan̄. Aolep jerbal in jouj ilo m̧ōttan eo ad—jekdo̧o̧n ta ewi dik in—emaron̄ jelet mour eo an juon n̄an em̧m̧an.
Jukjuk in Pād in Ajej
Ilo jikin kallib eo an Kabun̄ in ilo Laie Hawaii Crops Farm eo, enan̄in 310 baam̧le ko rekar kaddōk ine ko n̄an jipan̄ baam̧le ko aer. Ilo 1.25 acre ko aer, baam̧le kein rekar katōk taro, tapioca, piteto ko retōn̄al, mā, guava, im mennin eddōk ko jet in aelōn̄ eo.
Jikin kallib eo ej bōk eddo in jān juon ripālele mijenede im ej bōk rejtake jān mijenede ro jet im membōr ro. Baļintier rein rej jipan̄ rakūj āne eo, kōpooj bwidej eo n̄an ekkat, im katakin kapeel ko im̧aan tata an ekkat.
Kōnke kōn mijenede rein, membōr ro, im baļintier ro, elōn̄ armej ro me rej aikuj m̧ōn̄ā ilo Hawaii em̧m̧anļo̧k aer maron̄ rejtake er make n̄e jerbal ko rejjab ļōn̄. Jukjuk in pād eo ej kajoorļo̧k n̄e armej ro rej jerbal ippān doon n̄an kea kōn jikin kallib eo im ajije ta eo rej kaddōke.
Būrojāāk ko an humanitarian eo an Kabun̄ in ej jipan̄ kōm̧m̧an foot security, jeļāļo̧kjeņ, dān erreo, im jerbal in jipan̄ an kein taktō n̄an milien armej ro aolepāņ laļ in. Kabun̄ in ekar bar leļo̧k elōn̄ menin jipan̄ ko n̄an kōkm̧anm̧an un̄are peid make, ekoba im̧ōn kakonkon ko an bisop, jentōr ko n̄an kappok jerbal, Deseret Industriest m̧ōn wia ko, Family Service counseling ko, kein katak ko kōn un̄are peid make, im jikin kallib ko an Kabun̄ in im jikin ekkatak ko āinwōt eo ilo Laie Hawaii Crops Farm eo. Būroojāāk kein emakijkij aer jipan̄ jān membōr ro im mijenede ro, ro rejjab ļōmņak kōn er make leļok iien, kapeel ko, im kein jipan̄ ko jet ekōm̧m̧ane juon oktak eļap n̄an ro rej aikuj.
Juon Jerbal in Jemjerā
Ilo 2021 eo, enan̄in 200 membōr ro an Kabun̄ in raar uwaake kūr eo n̄an jipan̄. Raar ilo̧k n̄an center ko ilo Germany, United States, im jikin ko jet n̄an jipan̄ kōm̧adm̧ōde enan̄in 55,000 riatijenemjen ro jān Afghanistan.
Elōn̄ baļintier ro raar jerbal ilo center kein ium̧win ruo ak jilu wiik ko, im em̧ool jet ekar aitokļo̧k jidik aer pād. Ro uwaan Kabun̄ in raar tōpar aikuj ko remenin aikuj tata an ro me rej kappukōt jikin kone kōn leļo̧k m̧ōn̄ā ko, nuknuk ko, im m̧weiuk ko jet.
Sister ro ilo Doulul eo an Kōrā ro ilo Germany raar kile bwe jet kōrā in Afghan ro raar kōjerbal jiln̄ij ko an ļōm̧aro pāleer n̄an kalbubuik bōraer ijello̧kin kein kalbubu ko aer iminene kaki, ko me raar jako ak jorrāān ilo im̧aajaj eo ilo erboot eo. Sister rein ilo Doulul eo an Kōrā ro raar aindoon n̄an keke nuknuk in Muslim ko iminene kaki n̄an kōrā kein rej aikuj—kwaļok jouj im kautiej n̄an doon, door iturejet oktak in tōmak ko aer.
Sister Sharon Eubank, tōrāāktōr eo an Latter-day Saints Charities, ekar ba; “Kijejeto eo ad kajjojo ejjab menin aikuj jāān ak jōko rettoļo̧k; rej aikuji tōl eo an Jetōb Kwojarjar im juon bōro em̧ōņōņō n̄an ba n̄an Irooj, ‘N̄a e, Kwon jilkinļo̧k eō’ [Aiseia 6:8].”1
Ikideelel eo n̄an jerbal n̄e jorrāān ko rej waļo̧k ej etke Kabun̄ in ej emakijkij an juon iaan kumi ko im̧aan tata n̄an uwaak—jim̧or kōn jipan̄ ko ekadu kitier im jipan̄ eo aitok kitien. Jerbal eo an membōr ro an Kabun̄ im mijinede ro ej jipan̄ ro rej pād ilo aikuj jokne, bōk kakōlkōl ilo ānbwin im kōmālij, im en̄jake iakwe eo an Anij kōn jouj eo an ro jet.
Where Are the Nine? [Ewi Ratimjuon Ro?] jān Liz Lemon Swindle, jab maron̄ kapeik
Kūr n̄an Jerbal
Katak im Bujen Ko 4:3 ej ba, “Eļan̄n̄e ewōr ami ikdeelel n̄an jerbal n̄an Anij ej kūr kom̧ n̄an jerbal in.” Kōn aolep men ko Kabun̄ in ej kōm̧m̧ane, elōn̄ wāween ko n̄an jerbal.
Elōn̄ kijejeto ko kar ejaki an jān Kabun̄ in n̄an jipan̄ ro rej pād ilo aikuj rej maron̄ kōm̧m̧an wōt kōn jerbal eo an mijenede ro im membōr ro. Ejjab aolep remaron̄ bōk juon baam̧le ejipokwe, kake aikuj ko ilo kanniōk ak ro jet, ak joļo̧k aolep men n̄an jipan̄ ilo juon jorrāān ļapļap. Bōtaab aolep armej ewōr ijo kuņaer n̄an kōm̧m̧ane, im aolep jipan̄ an armej rej en̄jake im karōki.
Juon iaan wāween ko raorōktata an membōr ro rej letok n̄an jerbal in ej ilo jortak in jitlo̧k ko im men ko liļok an humanitarian. Men kein lilo̧k rekwojarjar rej kōjerbali n̄an jipan̄ ro me rej pād ilo aikuj im kōm̧m̧ane juon jelet eļap ilo mour ko an ro me rej jipan̄ er. Membōr ro an Kabun̄ in remaron̄ jerbale mijen ko ilo humanitarian, jipan̄ leļo̧k kūlaaj ko an un̄are peid make, im baļōntier ilo im̧ōn kakkonkon an bisop im ilo im̧ōn wia ko an Deseret Industries. Kwomaron̄ bar lale ro rej aikuj jipan̄ jān jikin jerbal in jipan̄ ko, leļo̧k bōtōktōk, ijjitōn̄ ko an jerbal in karejar, jar, im eļōn̄.
Jej aolep kar kūr n̄an jerbal. Jaar kūr n̄an ļoor waanjon̄ak eo an Jisōs Kraist im n̄an iakwe Anij im iakwe ro riturid. Men eo jej aikuji ej juon bōro ekōņaan.