“Kwaar Aolep Iien Jeļā,” Liaona, Pāp. 2023.
Pija ko an Tōmak
Kwaar Aolep Iien Jeļā
Iaar bōk juon naan in kam̧ool kōn gopel eo em̧ōj an jepļaaktok, ak m̧ōttan wōt 10 allōn̄ in aō jerbal in jipan̄ āinwōt rikaki in bar juon kabun̄.
Pija jān Leslie Nilsson
Ke ikar ratimjuon aō iiō, ekar metak n̄iiū. Metak eo kar kanooj in metak, bōtaab ejjeļok am kar jāān n̄an etal n̄an juon taktō in n̄i. Ilo iien in, ikar jokwe ippān būbū eļap iakwe ippān ilo Mexico.
Kōn dānin kōmjaaļaļ ilo mejen, eaar kajjitōk ippa, “Kwoj ke tōmak ilo Jisōs im bwe E emaron̄ jipan̄ eok?”
Ikar ba n̄an e ij. Ekar kajjitōk bwe in etal n̄an ruum̧ eo juon, bukwelōlō, im jar kōn juon kabwilōn̄lōn̄. Iaar leļo̧k aolepen būruwō ilo jar, ak ejjeļo̧k men en eaar waļo̧k. Inepata, iaar leļo̧k aō jon̄an wōt aō maron̄ kōn at laļ eo aō im bar jar kein karuo. Tokālik metak eo eaar jako! Ke iaar ettōrļo̧k im ba n̄an bubu, iaar lo an bukwelōlō, akweļap n̄an Irooj bwe en jipan̄ ļaddik eo jibwin edik. Iban meļo̧kļo̧k iien in, im ij kam̧m̧oolol bubu.
En̄jake in jetōb ko jet raar bar waļo̧k.
Ke iaar 14, iaar em̧m̧akūtļo̧k n̄an Texas, USA, n̄an kobaļo̧k ippān jinō im jema im ro jeiū im jatū. Iaar lo juon m̧ōnjar im jino emakijkij in kobaļo̧k. Kōnke kōn en̄jake ko aō ippān Anij, ikar kōņaan kwaļo̧k Etan im gospel eo n̄an aolep ro rem̧ōņōņō in ron̄jake. Ke iaar 15, iaar deļo̧n̄e jikuuļ in rikaki n̄an erom juon rikaki. Iuwin ruo iiō ko, iaar pād ilo kūlaaj in Baibōļ ko m̧okta jen jabōt, ālkin jikuuļ, im ilo wiikāān ko.
Juon jibbon̄ ilo high school, iaar ron̄ juon aenikien jen ruum̧ in ļōkar eo an ļaddik. “Kwe Mormon!” juon eaar lam̧ōj. Ijjan̄in kar ron̄ naan rot in m̧okta, ak ekar aenikien juon rikakkure.
Tokālik iaar jeļā bwe armej eo ekar lam̧ōje ekar eo m̧ōtta Derek.
“Ij joļo̧k aō bōd rej kūr eok Mormon,” iaar ba.
Derek ekar ettōn̄ dikdik im ba, “kwojjab jeļā ta in Mormon, kwojeļā ke?”
Ekar ba n̄an eō ke ej juon riab in etan n̄an membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata.
“Ekwe, kwoj juon Kūrijin?” Iaar kajjitōk.
Ke ekar ba aaet, ikar m̧ōņōņō bwe ijeļā ke kom̧ro ej kwaļo̧k ejja tōmak eo wōt ilo Jisōs Kraist.
“Kwaar ke Kajjitōk Ippān Anij?”
“Wōn Mormon rein,” ikar ļōmņak “im ta eo rej tōmak kake?”
Iaar etal n̄an intōrnet n̄an lale. Alkin jejjo̧ minit, iaar jeļā bwe eo m̧ōtta ejjab juon Kūrijin im bwe enaaj etal n̄an hell. Kōn menin, iaar kōņaan lo̧mo̧o̧r eo m̧ōtta.
Ilo iiō ko ruo tokālik, iaar riiti aolep bok me imarron̄ jeļā kōn Kabun̄ in, ekoba aolepān Bok in Mormon—ruo alen. Iaar bar ioon Derek im mijinede ro n̄an kajjieon̄ jipan̄ er.
Ke iaar 17, iaar kadiwōjļo̧k jān jikuuļ in rikaki, kar ekkapit n̄an juon rikaki, im erom̧ rikaki in juon m̧ōnjar edik ilo Texas. Ruo allōn̄ ālkin ekkapit eo aō, eaar bar wōr aō iien kōnono ippān mijinede ro.
Juon iaer ekar kajjitōk, “em̧ōj am̧ riiti Bok in Mormon, im em̧ōj am̧ bōk aolep katak ko jekar liwaj, ak kwaar ke Kajjitōk Ippān Anij n̄e ennaan eo am̧ em̧ool? Kwonaaj kile juon uwaak jān E, ejim̧we ke?”
“Aaet,” ikar m̧ōņōņō in uwaak.
“Jekjek eo ij loe, ej juon jeraam̧m̧an n̄an kwe,” mijinede eo ekar uwaak. “N̄e kwonaaj kajjitōk ippān Anij n̄e ta eo ro m̧ōttam̧ rej tōmak ej m̧ool im Anij ej ba jaab, innām em̧ōj am̧ kadedeļo̧k mijen eo kwonaaj jinoe ilo ial in. Ak n̄e Ej ba ennaan eo am̧ em̧ool, innām ļōmņak kōn wāween eo kwomaron̄ bar kōm̧m̧ane.
Ijjan̄in kar ļōmņake kake wāween in. Joteen eo iaar bukwelōlō ilo ruum̧ eo aō ālkin riiti Moronai 10:3–5. Uwaak eo aō jān Anij ekar pidodo ak ekajoor. Ilo juon aenikien edik, im mera, Eaar uwaake eō: “Kwaar Aolep IIen Jeļā.”
Juon Tōre Ekāāl ilo Mour in Rikaļoor eo Aō
Kiiō ke ewōr juon aō naan in kam̧ool kōn gospel eo em̧ōj an jepļaaktok, ak jerbal in rikaki eo aō? Mōttan wōt 10 allōn̄ in aō jerbal in jipan̄ āinwōt juon rikaki Ālkin elōn̄ jar im kapilōk ippān Anij, iaar kāālet n̄an kam̧ōj jerbal eo aō. Ilo allōn̄ ko 10, iaar wōnm̧aanļo̧k wōt im kwalok m̧ool ko an Baibōļ, ak n̄e ekkar ij kobaiki m̧ool ko an gospel eo em̧ōj an jeplaaktok. Armej ro raar m̧ōņōņō kōn m̧ool ko, im m̧ōnjar eo eaar eddōkļo̧k jān 20 n̄an enan̄in 150.
Ālkin aō kadedeļo̧k kontōrāāk eo aō, kar letok juon lukkuun jerbal, ak iaar jeļā bwe etōrreen bwe in peptaijtok n̄an Kabun̄ in. Ekar juon iien n̄an jino juon jepta ekāāl ilo iaļen our in rikaļoor in aō.
Ke ikar ba n̄an ro uwaan baam̧le eo aō, raar jab m̧ōņōņō—jinoin. Ak ālkin allōn̄ ko jilu in aō kar kobatok ilo Kabun̄ in, iaar peptaiji jinō im ruo iaan ro jeiū im jatū. Ālkin jerbale juon mijen ilo Oklahoma Oklahoma City Mission, iaar peptaiji leddik eo jatū edik.
N̄e ro jet rej kajjitōk ippa etke ikar ukōt kabun̄ eo aō, aolep iien ij uwaak. “iaar jab ukōt kabun̄ eo aō—ij juon Kūrijin ewujpeļo̧k. Ijoke, em̧ōj an kajoorļo̧k jemdo̧o̧n eo aō ippān Rilo̧mo̧o̧r n̄an erom̧ juon membōr eo em̧ōj an peptaij ilo Kabun̄ in An—Kabun̄ eo an Jisōs Kraist im Armej ro Rekwojarjra ilo Raan Ko Āliktata. Eļapļo̧k aō jeļā E jen kar m̧okta kōnke gospel eo emōj an jepļaaktok, Bok in Mormon, rikanaan ro raan kein, im kain̄i ko rekwojarjar an lo̧mo̧o̧r im mour ijo eutiejtata ej pād ilo tampeļ.”
Rainin ewōr aō iien em̧m̧an n̄an jerbal āinwōt juon rikaki in jemenere. Ij wujlepļo̧k wōt mour eo aō n̄an Jisōs Kraist im gospel eo An. Im ij ba n̄an aolep ro renaaj ron̄jake “naan ko rem̧m̧an im naan in lan̄lōn̄ eļap” (Luk 2:10).