Ang mga Santos nga Pilipino Kusganong Misuporta sa 2023 Nga Plano sa Area

“Oo, kami moadto ug kami moserbisyo!”—kini maayo kaayo nga nahulagway sa reaksiyon sa Filipino nga mga Santos human nga nagtan-aw sa 2023 nga sibya sa Plano sa Area sa Pilipinas sa milabay nga Dominggo, Enero 29 didto sa mga meetinghouse sa Simbahan sa tibuok nasod.

Si Elder Steven R. Bangerter, Elder Yoon Hwan Choi, ug si Elder Carlos G. Revillo Jr. sa Kapangulohan sa Area sa Pilipinas mipaila sa tema nga “Duol Ngadto Kang Kristo: Ako Moadto, Ako Moserbisyo” nga nakatutok sa pagsunod sa dalan sa pakigsaad nga gilatid ni Presidente Russell M. Nelson.

“Kita Moduol Ngadto kang Kristo ug ibutang Siya diha sa taliwala sa atong mga kinabuhi,” ang Kapangulohan sa Area mitudlo atol sa sibya, “pinaagi sa paghimo ug pagtuman sa sagrado nga mga pakigsaad, ug pinaagi sa pagserbisyo sa uban.” Diha sa plano, ang mga miyembro sa Simbahan gidapit sa pag-adto ug pagsebisyo sa nagkalain-laing mga paagi, uban sa Balay sa Ginoo isip ang nag-unang destinasyon.

Ania kon sa unsang paagi ang mga miyembro sa Simbahan miresponde ngadto sa 2023 nga imbitasyon sa Plano sa Area:

▪️”Makasunod ko sa atong Plano sa Area pinaagi sa pagtambong sa Primary ug sa pag-apil sa among pag-ampo sa pamilya ug pagtuon sa kasulatan.”
– Sister Caileen Anne Dugan, Muntinlupa 2nd Ward, Las Piñas Stake

▪️ “Sama sa gisulti ni Presidente Nelson, kita kinahanglan nga mosangon sa atong yugo ngadto sa Manluluwas. Kita mobuhat niini pinaagi sa pagbaton og usa ka lig-on ug ligdong nga pagpamatuod sa Iyang impluwensiya sa atong mga kinabuhi.”
– Brother Ahmed Ezra Bigtas, Daraga 1st Ward, Legazpi Stake

▪️“Ako karon mohatag sa akong tibuok nga suporta ngadto sa among misyonaryo. Makaluto ko og pagkaon ug modapit kanila sa panihapon o paniudto o sa pagpadala og pagkon ngadto sa ilang apartment.”
– Sister Alma Bayona, Midsayap Branch, Cotabato District

▪️”Nagpahigayon kami og family council ug milakip sa mga tumong sa area ngadto sa among kaugalingon nga mga tumong, ilabi na sa mga tumong sa among mga anak kinsa anaa pa sa ilang pagkabatan-on.”
– Presidente Oscar Joseph Tino, Iriga Stake

▪️ “Kita kinahanglan gayod maningkamot aron mahimong limpyo ug takos sa pagsulod sa templo ug modawat sa mga ordinansa ug mga pakigsaad sa ebanghelyo.”
– Sister Angelica Mae Maaba, Indang Branch, Naic Stake

▪️”Isip usa ka Batan-ong Babaye, ako moadto ug moserbisyo pinaagi sa pagkat-on og dugang pinaagi sa seminary ug Sunday School, ug pinaagi sa pagpangalagad ngadto sa akong isig ka Young Women.”
– Sister Geri Eiram Lopez, Ilagan 2nd Ward, Ilagan Stake

▪️”Matag bulan isip usa ka pamilya, kami magtakda og tumong ug maghimo og mga plano mahitungod sa among kwarta. Kami nangita og mga oportunidad sa pagpalambo sa among mga kahanas nga makatabang kanamo nga mahimong mas makaandam sa pinansiyal nga paagi.”
– Sister Frances Rezelle Joy U. Mijares, Magsungay Ward, Bacolod Stake

▪️”Isip usa ka tighupot sa Aaronic nga Pagkapari, ako mosunod sa unsay nahisulat diha sa Alang sa Kalig-on sa mga Kabatan-onan aron ako mahimong takos sa pagserbisyo og misyon”
– Brother Clemente Del Castillo V, Marbel 1st Branch, Cotabato District