“Ana Kakao te Tia Kamaiu n Tibwauaan Otana,” Riaona, Turai 2023.
Kam Butimwaeaki Nakon te Beeba ni Kaongora Aei
Ana Kakao te Tia Kamaiu n Tibwauaan Otana
On the Road to Emmaus (I aon te Kawai nako Emmauti), iroun Wendy Keller, courtesy of Havenlight
Imwain waerakena nako karawa, Kristo are e a manga uti e kaoia Ana Abotoro n te Nu Tetemanti bwa ana riki bwa ana taan kakoaua “ni karokoa tabon aonaba” (Makuri 1:8). Ni kairaki man te mwakuri aei, taian Abotoro, “a aki toki n reirei ao n atoatonga Iesu Kristo” (Makuri 5:42).
Te Abotoro ni boong aikai, Unimwaane Quentin L. Cook, n ana rongorongo n te beeba ni kaongora aio, e kabwarabwara arona ni tibwaua ana euangkerio te Tia Kamaiu n aki taraa aki taura. E koreia, “Ngkai ti maiuakina te euangkerio, tangiria ao beeku ibukia tabeman, kakorakorai ngkami ni kaitara te kariiri ao te bwainikirinaki, ao kaoti kakoaua n te taeka ao mwakuri, ti na kairiia tabeman nakon Iesu Kristo” (iteraniba 4).
Man kaanian te Tia Kamaiu iroura, ti tataekinna rinanon kakoaua ao katooto. E na mena ibuakora, n aron ae I kabwarabwaraa n au rongorongo n te beeba ni kaongora aei, ngkana ti karinea ara berita ao n ukora Ana reirei rinanon aia taeka burabeti (taraa iteraniba 40).
N ara kamatebwai n aia mwakuri ao reirei Abotoro n Nakomai, Iriirai n te namwakaina aei, ti a tanrikaaki n taraa ara mwakuri ao weteara n tibwauaan otan te Tia Kamaiu ma koraki ake irarikira. E rieraka Kristo nako karawa ngkoa, ma ngkai ti bubuti Nakoina bwa e na “tiku i roura” (Ruka 24: 29) n te bong aei, E na nakonako ma ngaira teutana mwiin teutana.
Unimwaane Patricio M. Giuffra
Man te Itingaun