“Ko Kakoaua te Atua?,” Riaona, Turai 2023.
Bwanaaia Aika Itiaki ni Boong aika Kaitira
Ko kakoaua te Atua?
Ngke e tibwa raraomana raoraou te aine, e roko te ota n au iango ni waekoa.
Kamataata n te tamnei iroun Katy Dockrill
N ikawairakeu, akea irou te nanououa ibukin koauan te euangkerio. Ngke I a roko n rorou ni kairake, ao, I titiraki bwa bon iai au kakoaua raoi ke I ti kakoaua bwa au karo ao raoraou a kakoauaa. I tataro bwa N na kona n ataia bwa e koaua te euangkerio.
N aki tabe ma korakaiu, te ataeinnaine ae I kaitibo ma ngaia n au tabo n reirei e tuangai bwa e namakinna bwa I ataa bukin maiu ao kairan maiu.
“Ko kakoaua te Atua?” e titirakinai neiei.
I tuanga bwa I kakoua ao bwa te ekaretia e reirei nakoira aron ara reitaki ma te Atua ao oin te kantaninga ibukin te maiu. I tuangnga naba ibukin te Burabeti Iotebwa Timiti ao Kaokan Bwaai. E rangi ni kakauongo raoi.
N te Tabati are imwiina n te taromauri, I anai au beeba aika a uarereke ibukin Iotebwa Timiti ao te babaire ni kamaiu ibukin raoraou. Imwiin warekaia irouna ao e a moana warekan ana Boki Moomon, I kairia nakon te taromauri.
Imwiina e tuangai bwa e rangi ni kaan ma mwanena ae e ikawai riki. E riki bwa te bwairati ibukin karaoan te ewenako mai karawa bwa te kamataku. Ma te kananokawaki, tabeua te tai imwain kaitiboora, e kabuanibwai maiuna inanon ana tai n kiba ni kamataku. E rangi n taonaki n te rawawata ni matena ao n raraoma ibukina bwa bon te aomata ae akea ana koaua ibukin ataan te Atua. E a tia n tataro ni kan ataia bwa tera arona ao arona i matan te Atua.
Ngke e tibwa ana raraoma raoraou, e roko te ota n au iango ni waekoa. Bon te namakin ae koaua raoi man oota. I a ota bwa kaitiboora e aki manennati. Ma, e ongo te Atua ao ni kaeka ana tataro mwaaka te ataeinnaine ae uruaki nanona aio.
I rangi n nanorinano n ataia bwa e atai arou Tamara are i Karawa ao e na baireia bwa n na tau n riki bwa ana bwai ni mwakuri ni Baina n kaekaan ana tataro te aine arei. I ata Wanawana ae korakora ni kabongana te taneiai aei ni kaekaa naba au tataro ni kan ataia bwa e koaua te euangkerio.
Imwiin au katauraoi. I katauraoi au baeki n onea ibukin uoua te ririki ae rangi n tamaroa ibukin maiu. Imwiina, raoraou arei e karekei reirei ni mitinare ma mwanena. A kaai ni kaaina te Ekaretia ao imwiina a nako ni mitinare. Imwiin au mitinare, e tuangai raoraou bwa n na karaoa te mwakuri n te tembora ibukin mwanena.
I ataia bwa te Atua e ongo ao e kaekai tataro aika a nako man te nano, e ngae ngkana n taai tabetai ke n te tai ae baireaki ae ti aki kaantaningaia.